臨記車仔麵 (Closed)

第一次帶阿仔去藍田探朋友 係佢屋邨附近有個啟田商場 係入面行左陣 是但搵左間野黎醫肚 臨記車仔麵 佢規模好似大家樂形式 都幾多人排隊食 好彩都搵到個卡位坐下 我地揀好左之後就去收銀落單比錢 我叫左三餸車仔讚岐烏冬 咖哩濃味魷魚 秘製超大舊牛孖筋 招牌日式溏心蛋 加左杯檸碧 都係50蚊左右  我個fd就叫左陳皮魚蛋 招牌鮮竹卷 雞肉 清湯油麵 加檸樂 另外叫左兩碟小食 雞軟骨 孜然燒雞翼 兩款都香口 仲有碟油菜可以俾阿仔食下 大家都可以食得開心三個人食都係百幾蚊平民價 平均每款食物質素都算高 難怪一直keep住咁多人排隊食 希望下次再有機會黎試其他款啦