Jacomax

Open Now

Now Closed

琴晚去咗銅鑼灣一間薄餅店「Jacomax」，特登嚟試呢度最出名嘅藍芝士蘋果薄餅，我哋仲叫咗煙三文魚沙律、麥啤煮藍青口、炸魷魚圈配他他醬、自家肉醬粗意粉、忌廉蟹肉帶通粉同埋加多左一個意大利24個月風乾火腿火箭菜薄餅。未講嘢食之前我想讃下呢度嘅服務員，好親切好Nice👍🏻👍🏻👍🏻👍🏻👍🏻藍芝士蘋果薄餅🧀🍎🍕 - 呢款Pizza係佢哋嘅招牌菜，所以入親嚟食嘢嘅通常都一定會叫，我本身好鍾意食藍芝士，作為一個藍芝士愛好者嚟講呢個Pizza算合格，因為通常鍾意食藍芝士嘅人會特別鍾意食佢嘅濃味，但係呢個Pizza嘅組合係會令到唔鍾意食藍芝士嘅人都鍾意食，佢聞會比較濃味，但係食落去係會食到藍芝士嘅味，但係唔會話好誇張，比較容易入口，再搭配上蘋果片嘅甜，我覺得呢個組合係絕對完美！而且佢嘅餅底係非常之Q，好得意，齋食餅底都覺得好食😋，真心❤️呢款pizza值得推薦！😘其他食物都正常OK嘅，唯獨是⋯⋯意大利24個月風乾火腿火箭菜薄餅 - 呢個薄餅叫做Crudo，可能係我自己嘅口味問題，我覺得偏鹹⋯⋯呢度嘅價錢非常之合理，我覺得好抵食👍🏻