美心西餅 (元朗站)

Open Now

Now Closed

屋企人生日貪方便去左美心買蛋糕。呢期最新推出藍莓山蛋糕(1.7磅 $238), 紫色波波圖案顏色配搭睇落似Mario入面d草菇, 有d搞笑, 其實都有d猶豫揀唔揀呢個, 但係其他蛋糕又無乜特別, 有d又食過, 唯有試下啦!蛋糕表面鋪滿好多鮮藍莓, 仲有塊金箔裝飾。 切開個蛋糕, 原來入面係由層層唔同深淺紫色組成, 反而有d驚喜, 分別有原味忌廉、藍莓醬、藍莓果蓉乳酪慕絲、藍莓果蓉啫喱配藍莓粒同藍莓果蓉蛋糕, 全部都係藍莓!藍莓唔酸但都唔係好甜, 味道都幾天然, 唔同夾心質感既藍莓都幾配合, 蛋糕就係美心出品一向咁鬆軟, 餅底仲有層薄薄既消化餅, 整體算唔錯, 不過呢個藍莓山蛋糕比起其他系列唔算太特別, 試一次就夠。