Video
Read full review
2019-10-03
637 views
Welcome back to the real world！回港落地第一餐，思倉情緒高漲，立即廣東菜。招呼服務粗糙，高昂價錢不值！四眼姐侍應免強可以，肥姐懶埋只顧執檯，瘦叔叔熱誠有禮笑容滿面。出發加油站係您，回港補給站都係您，食飽飽就回家休息，明天要上班喲。敏爺食來食去那幾味，加上天煞的揀飲擇食，悶死我！咸菜、南乳花生，送粥還好，平時我都係麻麻地。花生銀魚仔，小食太行乾爭爭，用作餐前開胃菜？似酒前小食。砂煲鮑魚汁炆雞腳，浸到甩皮甩骨，外觀絕對不討好！整隻掉入吸啜，骨肉立即分離不用費勁，溫柔地吐出白骨。鮑汁濃稠，雞肉膠黏，煮理得還好。原隻鮑魚燒賣，兩大粒巨形鮑魚真係生猛到跳起喎！依間機場翠園不論點心散晒、炒粉麵飯亂到飛起，傳菜者都一於少理，我傳菜就係傳菜。即食鮑魚仔黏著魚蓉球淋上濃濁鮑汁，雷聲大雨點小。旅行前的加油站，食飽飽才起程，我又要飛喇！黃沙豬膶燒賣，好生猛喎！碌到左右開弓，而且蒸到爆開，漿腦塗地，甩皮甩骨，慘不忍睹，賣相有點驚嚇。黃沙豬膶苦澀乾硬，下面黏著一劈蝦膠豬肉，岩岩杉杉好難咬！蝦粒非常爽，勁多蔥花草腥味頂唔順，放棄。潮州蒸粉果，打風一樣！出乎意料勁多芫茜勁多芹菜，味道強
咸菜、南乳花生，送粥還好，平時我都係麻麻地。花生銀魚仔，小食太行乾爭爭，用作餐前開胃菜？似酒前小食。砂煲鮑魚汁炆雞腳，浸到甩皮甩骨，外觀絕對不討好！整隻掉入吸啜，骨肉立即分離不用費勁，溫柔地吐出白骨。鮑汁濃稠，雞肉膠黏，煮理得還好。
原隻鮑魚燒賣，兩大粒巨形鮑魚真係生猛到跳起喎！依間機場翠園不論點心散晒、炒粉麵飯亂到飛起，傳菜者都一於少理，我傳菜就係傳菜。即食鮑魚仔黏著魚蓉球淋上濃濁鮑汁，雷聲大雨點小。旅行前的加油站，食飽飽才起程，我又要飛喇！
黃沙豬膶燒賣，好生猛喎！碌到左右開弓，而且蒸到爆開，漿腦塗地，甩皮甩骨，慘不忍睹，賣相有點驚嚇。黃沙豬膶苦澀乾硬，下面黏著一劈蝦膠豬肉，岩岩杉杉好難咬！蝦粒非常爽，勁多蔥花草腥味頂唔順，放棄。潮州蒸粉果，打風一樣！出乎意料勁多芫茜勁多芹菜，味道強烈霸道受不了！第一隻格硬唔趙吞下，剩下三隻唯有全部交由敏爺處理。
蜜汁叉燒腸，太粗出晒界喎，無度位的嗎？其實點解唔捲幼一點修長一點，跟住碟的波紋放一定好靚，腸粉機太細部？粗粒叉燒分佈零星散碎，粉多肉少，淋埋甜而濁味濃豉油，不是我杯茶。碧綠龍蝦球腸粉，賣相真係唔掂，見到都食慾不振。勁粗凹凹凸凸，腰粗背圓，皮厚不滑，蝦爽味淡，一般平凡試試無妨。
川芎白芷湯魚雲，兩口子都極愛飲中式湯水，魚湯都係三甲位置。得喎！真材實料魚味濃而清甜，濃郁醇美湯汁，不腥可口。大魚頭啖啖肉，啜得歡喜若狂！當然無得跟深圳新都酒店丹桂軒相比，人家用深海斑骨餚足幾個鐘既湯膽，再即場堂煮無得頂！
杞子燉雞湯，茶壼湯？紫砂碗崩晒，完全明白，見者傷心。以前間點心小店既紫砂器皿補極都唔夠，損耗大得驚人！其實樓面及洗碗同事加倍愛護係絕對可以避免的。解剖調查，瘦肉、雞件、紅棗杞子，沒怎樣的特別驚喜。清清淡淡的雞湯，少少肉味，輕輕藥材，點點油香，熱烘烘順喉舒服。
老城口水雞，全部雞翼雞胸，消失的雞髀去了那裡？師傅被您吃掉了嗎？ 將口水汁淋在表面，撈都沒怎樣撈過，我自己親自動手吧 ﹗陰沉的味道，不香不辣不酸不惹味，肥騰騰淡茂茂沒鮮味的雞，完全失敗。
翠園燒鵝皇例牌，不是那麼的出類拔萃，平庸合格達標種類，明顯海港、盈昌、樂天漁港更色香味俱全。體型不屬大鵝類，少年剛成熟，肉質幼嫩無肥膏不油膩，醃味清爽散發陣陣鵝甜，鵝皮微韌，還可以吧。離港不足七日已非常掛念廣東燒味，急不及待立即享用以解思食之苦。
糖醋骨，何解十足甜酸牛條呢？而且無骨喎。非常厚實的粉在外，酸度高微甜的醬，豬肉有嚼勁微弱肉甜帶少少肉汁，試一次便夠。焗叉燒包，只暖不熱，餡料空盪盪乾爭爭，外層不香口。已放段長時間再翻熱，靈魂早已死掉。燕窩雞蛋撻，的的骰骰容易食，酥皮焗蛋地獄甜，鋪滿冰糖即食燕窩，真係麻麻地喎。
鮮蝦炸雲吞，敏爺只淨食脆皮不食餡的，幸好我是不折不扣的食肉獸，益晒我添啦！中間的雲吞每次都由我處理。餐牌張相精精神神企定定係度，實物懶懶洋洋攤直直係度。算熱但不燙手，脆脆外殼索一聲爆裂，蝦粒搭肉鬆略咸帶濕過得去。蠔汁鮑菇扒芥蘭，芥蘭爽甜脆卜卜，菜油欲滴，敝在微暖不熱無鑊氣。讓半滑半韌鮑菇片捲著享用，蠔味清爽，還有少少樂趣。
原隻鮑魚荷葉飯，唔似糯米既？有點似綠豆質感。爛爛濕濕腍劈劈，不是炒飯來的嗎？淡茂茂寡寡的調味加粒即食鮑魚，不值一提。梅菜炆鴨，微溫唔夠熱，陣陣鴨羶味略重，炆得味道略咸帶濁。肉質極腍，在鞋霉邊沿。立即要求碗白飯，希望能將咸味羶味濁感減到最低。甜梅菜比鴨肉更加美味，醬汁菜粒搭著鴨肉混埋靚靚絲苗，挽回不少分數。
鮮蝦雲吞麵，除湯底外，真心泊得住樓下何鴻記所謂 1 星雲吞麵 ﹗鹼水麵纖紅爽爽，湯汁清甜撈大量辣油進化成既香且辣，飲到停唔到口﹗自家製雲吞色香味突出明顯，大大粒蝦仁爽甜，鮮味不咸，還有鬆軟瘦肉襯托著，真心有水準好味道。翠園炒飯，炒功蠻優質﹗香噴噴有鑊氣，乾爽飽滿熱烘烘的。配埋鮑粒、蝦仔、蒜芯及大量蛋黃，神秘特別的氣味，味道多原分，豐富食得過。
咸菜、南乳花生
8 views
0 likes
0 comments
花生銀魚仔
11 views
0 likes
0 comments
砂煲鮑魚汁炆雞腳
6 views
0 likes
0 comments
原隻鮑魚燒賣
14 views
0 likes
0 comments
黃沙豬膶燒賣
4 views
0 likes
0 comments
潮州蒸粉果
6 views
0 likes
0 comments
碧綠龍蝦球腸粉
5 views
0 likes
0 comments
蜜汁叉燒腸
5 views
0 likes
0 comments
川芎白芷湯魚雲
5 views
0 likes
0 comments
杞子燉雞湯
3 views
0 likes
0 comments
杞子燉雞湯
3 views
0 likes
0 comments
杞子燉雞湯
7 views
0 likes
0 comments
老城口水雞
5 views
0 likes
0 comments
老城口水雞
3 views
0 likes
0 comments
翠園燒鵝皇例牌
41 views
0 likes
0 comments
翠園燒鵝皇例牌
7 views
0 likes
0 comments
糖醋骨
4 views
0 likes
0 comments
焗叉燒包
8 views
0 likes
0 comments
焗叉燒包
7 views
0 likes
0 comments
燕窩雞蛋撻
12 views
0 likes
0 comments
鮮蝦炸雲吞
10 views
0 likes
0 comments
蠔汁鮑菇扒芥蘭
8 views
0 likes
0 comments
原隻鮑魚荷葉飯
6 views
0 likes
0 comments
梅菜炆鴨
6 views
0 likes
0 comments
梅菜炆鴨
3 views
0 likes
0 comments
鮮蝦雲吞麵
7 views
0 likes
0 comments
鮮蝦雲吞麵
2 views
0 likes
0 comments
翠園炒飯
7 views
0 likes
0 comments
Post
