Video
Read full review
2021-01-10
477 views
棉登徑有唔少出色嘅日式餐廳，每間標榜嘅主題都唔同。而焱丸水產位於棉登徑嘅盡頭，唔刻意去搵／聽人推介，好容易會走漏眼。今次特意去試佢出名嘅海鮮浜燒。一入餐廳已經聞到好香的燒海鮮味！店內格局唔大，但整體嘅裝飾同布置都充分呈現海鮮作為主打嘅居酒屋格調。午市時段唔算話好肚餓，最後決定點一份招牌活貝大盛、初代甲羅燒同埋一份海鮮炒飯，主力試勻海鮮項目。首先上菜嘅係初代甲羅燒 $78。焱丸有兩款甲羅燒，初代同二代目最大嘅分別係二代目有黑松露而初代無。未燒之前可以睇到蟹膏嘅比例係最多。呢度嘅浜燒都係由店員幫手去燒，唔駛擔心火候問題。因為燒烤爐唔算大，每次可以燒嘅份量都比較有限，建議如果好肚餓嘅朋友要點多啲其他系列嘅食物，咁就可以邊食邊等。甲羅燒入口時隨即感到濃濃嘅蟹膏味，咀嚼時會食到蟹籽嘅甜咪同淡淡嘅蟹肉。份量嚟講呢度嘅甲羅燒可以話係非常足料，食落時亦唔會話齋食到其中一款材料而其他材料被搶味，性價比非常高。緊接而黎嘅係今次嘅主角活貝盛。當中有兩只帆立貝、四只白蜆、兩隻蠔同埋兩隻鮑魚。第一輪先燒帆立貝同白蜆。帆立貝不用多講，作為呢度主打之一，肉身非常飽滿，每一只帆立貝基本就等於出面食兩只嘅份量；白蜆就比
一入餐廳已經聞到好香的燒海鮮味！店內格局唔大，但整體嘅裝飾同布置都充分呈現海鮮作為主打嘅居酒屋格調。
午市時段唔算話好肚餓，最後決定點一份招牌活貝大盛、初代甲羅燒同埋一份海鮮炒飯，主力試勻海鮮項目。
首先上菜嘅係初代甲羅燒 $78。焱丸有兩款甲羅燒，初代同二代目最大嘅分別係二代目有黑松露而初代無。未燒之前可以睇到蟹膏嘅比例係最多。
焱丸蟹噌甲羅燒
$68
36 views
0 likes
0 comments
甲羅燒入口時隨即感到濃濃嘅蟹膏味，咀嚼時會食到蟹籽嘅甜咪同淡淡嘅蟹肉。份量嚟講呢度嘅甲羅燒可以話係非常足料，食落時亦唔會話齋食到其中一款材料而其他材料被搶味，性價比非常高。
焱丸活貝大盛
$368
27 views
0 likes
0 comments
第一輪先燒帆立貝同白蜆。帆立貝不用多講，作為呢度主打之一，肉身非常飽滿，每一只帆立貝基本就等於出面食兩只嘅份量；白蜆就比較有驚喜，大小上無咩特別，但入口非常清新，係好鮮嘅海鮮獨有嘅清甜口感！另一個主要原因係有店員幫手燒，自己燒可能會因為唔識掌握火候白白浪費好食材。
36 views
0 likes
0 comments
帆立殻燒
24 views
0 likes
0 comments
牡蠣殻燒
14 views
0 likes
0 comments
鮑魚殻燒
25 views
0 likes
0 comments
海鮮炒飯喺甲羅燒仲燒緊時就上咗菜，味道普通，相比其他海鮮浜燒明顯失色。份量好足，兩個人食都覺得好飽，但想試呢度海鮮，都係食浜燒最有保證。而主食仲有其他選擇，或者會比炒飯出色。
海鮮炒飯
$78
12 views
0 likes
0 comments
整體而言焱丸水產嘅海鮮浜燒水準可以算係一流。雖然地理位置令到佢比其他棉登徑餐廳難搵，但食物質素出眾，非常值得行多兩步到訪。
Post
