Video
Read full review
2018-01-27
531 views
星期六晚上，近近地懶得出街就留返喺粉嶺食飯。我話想食西餐，同行友人就提議不如食我地食過好幾次嘅聯和墟西餐啦！呢間西餐廳環境優雅、服務細心、價錢大眾化、食物質素非常好，可以話係性價比超高㗎！如果唔係我地都唔會食過返尋味一次又一次啦！餐廳細細，但明顯經過悉心裝潢，環境優美，配樂亦好好聽，適合情侶、夫婦、甚至朋友同家庭聚會㗎！我地兩個都叫set dinner，好足料㗎，有齊餐湯、甜品、餐飲，都係$178 （同行友人嘅鴨肉闊條麵）、$268 （我叫嘅安格斯肉眼扒)！Set dinner 今晚serve 南瓜忌廉湯，湯夠熱（連個碗都係熱過先用嚟裝湯，好細心！），南瓜味香濃，湯嘅質地又夠滑，唔會太奶太cream，因為同行友人好怕奶味重嘅湯，但佢都覺得好好飲！另外全晚亮點係一個廚師推介嘅紐西蘭托托蜆，餐廳職員話係用牛油加白酒煮，同行友人係「蜆怪」，一聽職員介紹就心動即order！一上菜，見到8大隻托托蜆先$138，真係覺得抵食到彈起！香草牛油白酒味煮嘅托托蜆，每隻半隻手掌咁大隻，新鮮又彈牙，好味到連汁都撈埋！同行友人更不停用餐廳贈送嘅餐前麵包點汁！（sorry 唔記得影麵包，都好食㗎！仲俾足牛油、橄
餐廳細細，但明顯經過悉心裝潢，環境優美，配樂亦好好聽，適合情侶、夫婦、甚至朋友同家庭聚會㗎！
我地兩個都叫set dinner，好足料㗎，有齊餐湯、甜品、餐飲，都係$178 （同行友人嘅鴨肉闊條麵）、$268 （我叫嘅安格斯肉眼扒)！
Set dinner 今晚serve 南瓜忌廉湯，湯夠熱（連個碗都係熱過先用嚟裝湯，好細心！），南瓜味香濃，湯嘅質地又夠滑，唔會太奶太cream，因為同行友人好怕奶味重嘅湯，但佢都覺得好好飲！
南瓜忌廉湯
19 views
0 likes
0 comments
另外全晚亮點係一個廚師推介嘅紐西蘭托托蜆，餐廳職員話係用牛油加白酒煮，同行友人係「蜆怪」，一聽職員介紹就心動即order！一上菜，見到8大隻托托蜆先$138，真係覺得抵食到彈起！香草牛油白酒味煮嘅托托蜆，每隻半隻手掌咁大隻，新鮮又彈牙，好味到連汁都撈埋！同行友人更不停用餐廳贈送嘅餐前麵包點汁！（sorry 唔記得影麵包，都好食㗎！仲俾足牛油、橄欖油、意大利醋）
紐西蘭托托蜆
79 views
1 likes
0 comments
同行友人嘅鴨肉闊條麵製作精美，一睇就令人嘩一聲！鴨肉唔會靭、唔會柴皮，但蕃茄汁做到酸甜剛剛好，粉量亦好大份，同行友人食唔晒，結果share 左1/3俾我！如果個闊條麵可以係自家handmade，咁成個dish 就更加不得了喇！不過$178 一個set 有呢個水準，已經可以媲美好多大酒店！
鴨肉寬條麵
18 views
0 likes
0 comments
牛扒炭燒味十足，七成熟剛剛好，唔會太熟而且又keep到有啲紅肉，仲有其他餐廳少見嘅蒜頭蓉做伴，兩樣加埋簡直係絶配，比傳統嘅芥辣更好。分量十足，唔會太飽啱啱好。配菜有grill過嘅甜椒、蒜蓉、薯仔、秋葵，每樣都好好食，誠意十足！
安格斯肉眼扒
20 views
0 likes
0 comments
甜品係芒果mousse cake，呢間餐廳嘅甜品每次都唔會令人失望，今次就算我地兩個都唔係芒果嘅粉絲都覺得好食，芒果酸甜適中，件cake 嘅甜度剛剛好，食落仲有陣清甜嘅奶油味，配埋即磨咖啡又係一個享受！如果你想試其他甜品，可以選擇upgrade 上 tiramisu、焦糖燉蛋或紅莓汁雲呢拿雪糕，有足夠option俾你慢慢揀！
16 views
0 likes
0 comments
即磨咖啡看似普通，但用心製作的確不一樣，就連簡單如咖啡奶好多餐廳都唔會放心思，但這裏會記得把奶加熱，這樣加到咖啡裏咖啡才不會變冷，喝起來更好味，最後享受這一口咖啡晚飯變得完美。
17 views
0 likes
0 comments
今天晚飯很完美，在粉嶺這種看似美食沙漠的地方，能找到一間有水準的餐廳的確不易，更難得的是一直以來吃過幾次，都能保持水平，餐廳經營者的堅持與心思的確值得嘉許及支持。最後都想稱讚一下服務，雖然看得出年輕的服務員弟弟是新人，但也看得出餐廳有特別train過，動作雖然生疏，但看得出是訓練過後的安排。希望繼續努力為粉嶺地區食客提供一個高水平的用膳地方
Post
