藏 (Closed)

Weekend出去搵好嘢食，記得朋友推介銅鑼灣有間新開嘅日本菜，就即管去試一試。點知喜出望外，無論服務、環境同食物質素非常高質！老公一早於幾日前訂左枱，我哋準時12點到，被安排坐係bar枱位置。值得一讚係餐廳嘅私隱度非常高，枱與枱之間有一定距離，適合靜靜地傾計食飯、拍拖約會。由於我同老公都係壽司發燒友，我哋兩個都點左Premium sushi platter, 當中包括10件手握壽司同手卷，每件壽司都各有特色。無論枱墊同餐具都非常有格調。前菜: 蒸蛋同沙律。蒸蛋十分出色，好滑好滑！我個人最喜歡坐吧枱，因為可以欣賞師傅嘅手藝。呢個北寄貝，無論口感同味道都同平時食嘅好唔同。一口咬落去，成個口都有充斥住好鮮甜嘅味道，好彈口好爽！特別推介秋刀魚，除咗好正我都唔識點形容。其實要食到靚嘅秋刀魚唔容易，如果唔小心處理得唔好就腥。Toro 肥美甘香，入口即溶。來自北海道嘅馬糞海膽拖羅手卷- 師傅一啲都唔吝嗇，食到底都仲有魚，紫菜好脆。甜品 - 椰子雪糕、餡餅總括嚟講呢餐我覺得超過90分！無論食物質素、環境、服務都超水準。下次會返嚟試吓食夜晚omakase! 😊😊😊