M Zone 親和藝術 (Closed)

M zone親和藝術(尖沙咀）門口已經好有design，環境chill而且優美，餐廳裏面以垂釣嘅植物裝飾為主，有白色嘅花朵襯托綠色葉片，優雅清新。香脆德國鹹豬手$178同平時食嘅好唔同，原件豬手，肉質鮮嫩而且係爽口，用蒜香黑胡椒烹調，連皮都好軟身，唔會太咸，口感好似食緊滿滿嘅骨膠原，配沙律蔬菜及小蕃茄。海鮮千島Pizza$158有鮮蝦、魷魚、蠔等海鮮，用千島醬，薄身嘅薄餅，蓋上香草，超好味，可以大份啲就正啦，呢個真心推介好食。整體而言高級優雅，食物味道亦唔錯，仲有唔同種類嘅酒精飲品選擇，三五知己放工之後過嚟聚腳嘅好地方。