Yoghi (Closed)

今日係5201314，平淡之中找一些特別日期，同男朋友慶祝一下。揀左一間登龍街嘅樓上韓國菜，可能新開張關係，無其他韓國餐廳咁多人咁嘈，而且有畫作佈置，幾有藝術氣氛，靜靜地好適合今晚二人世界嘅氣氛。呢度個女店員係韓國可愛少女，打開menu見到中英對照嘅菜單，但明顯中文係由英翻譯而黎，部分中譯名唔太準確，顯示出老闆應該係韓國人，嘢食會幾地道吧。不過大部分食物都有字無相，令人難以想像菜式係點樣，建議圖文並茂方便點菜。覆盆子酒$120: 慶祝當然要有酒啦，呢支酒24%的酒濃度，酒香濃而醇，有啲似紅酒，但fruity好多，好嘢黎架，兩個人都飲唔晒，拎返屋企再繼續。小泡菜炒豬肉包$88: 一不留神，原來呢個係炸嘅，英文係有寫，炸得都幾香口又幾熱氣咁，脆脆的，但無咩油膩感，裡面係辣豬肉、泡菜、芝士，感覺有d似pizza咁，不過係以炸皮夾住，仲可以點沙律醬食，味道豐富。午餐肉乳酪蛋卷$128: 又係翻譯有啲問題，其實係芝士唔係乳酪，呢件嘢八九成係蛋，夾雜蔥、洋蔥，加上惹味嘅韓國午餐肉，同滿滿嘅醬汁，好滋味，有啲似食緊漢堡，好有飽足感。泡菜炒飯$128: 紅通通濕潤的泡菜炒飯，加上一隻特大太陽蛋，賣相好