Video
Read full review
2012-06-04
57 views
呢個老人區不嬲冇啖好食, 全部都係粗枝大葉既茶餐廳, 搵間似樣既酒樓都冇, 消費力又低, 響樹開間高級西餐廳風險極高, toscana前身既食肆只係玩左幾個月已經壯士斷臂要頂手, 同一條街既食肆仲成日輪流執笠. 如果唔係睇某報介紹, 我諗都冇興趣入黎. 但幸好有報章介紹, 等我冇錯過呢間咁有質素既餐廳. 叫左3個dishes, 分別為:1. 大蝦紫薯芒果沙律 - 芒果好少, 純綷點綴, 沙律選用配菜絕對唔係cheap野, 一食就知. 紫薯係日本貨, 溝左cream同奶, 非常滑溜, 食唔停口, 乃整碟salad靈魂. 大蝦唔係超大隻開邊個種, 但充滿海水鮮味, 爽甜, 食得出唔係本地貨2. 海鮮意粉 - 冇話濕淋淋, 煮得好香口彈牙, 意粉好入味, 加埋茄醬, 酸酸甜甜, 好醒胃3. nacho chips - 我親眼睇住waitress響隔離惠康買左包dorito chips (cheese味)入黎, 心諗, 唔係掛, 幾十蚊比doritos nacho chips我食...誰知原來係nacho chips加芝士再焗, 誠意十足, 醬料仲有3款, 1款正係沙律個個紫薯
叫左3個dishes, 分別為:
1. 大蝦紫薯芒果沙律 - 芒果好少, 純綷點綴, 沙律選用配菜絕對唔係cheap野, 一食就知. 紫薯係日本貨, 溝左cream同奶, 非常滑溜, 食唔停口, 乃整碟salad靈魂. 大蝦唔係超大隻開邊個種, 但充滿海水鮮味, 爽甜, 食得出唔係本地貨
2. 海鮮意粉 - 冇話濕淋淋, 煮得好香口彈牙, 意粉好入味, 加埋茄醬, 酸酸甜甜, 好醒胃
3. nacho chips - 我親眼睇住waitress響隔離惠康買左包dorito chips (cheese味)入黎, 心諗, 唔係掛, 幾十蚊比doritos nacho chips我食...誰知原來係nacho chips加芝士再焗, 誠意十足, 醬料仲有3款, 1款正係沙律個個紫薯, 不過今次變左熱食, 仲香口. 另2隻亦好惹味.
3個dishes跟西湯, 湯係好濃稠既蕃茄湯, 飲得出落左牛油, 煮得好香好飽肚, 絕對唔係茶餐廳貨色. 飲飽食醉後再加杯hoegaarden同camomille tea, 實在異常滿足.
3個dishes加2個drinks 埋單369, 價錢絕對唔算貴, 只係響呢個區已經叫做貴價食府. 在此真係不得不佩服大廚同老闆娘藝高人膽大, 亦希望佢地可以招攬多d捨得駛錢同有錢既區外客.
值得一提既係侍應有幾位都係妹妹仔, 上菜時間中雞手鴨腳及有甩漏, 算係美中不足, 不過響最低工資影響下請人實在不易為, 希望佢地幾位遲下會有所改善.
總括而言, toscana睇得出係一間好有heart既食肆, 無論餐廳環境, 用料, 擺設, 食材, 賣相及份量都叫人值得再去, 下次去既話必定試最出名既豬手
Post
