Video
Read full review
2019-07-08
679 views
餐廳：二家姐正宗原味麻辣火鍋 (佐敦)地址：佐敦文英街16號地舖係佐敦渡船街宵夜勝地附近嘅文英街，同一條街有兩間店鋪，仲要7點幾就坐滿哂人訂滿哂台，講緊嘅係二家姐正宗原味麻辣火鍋，聽講係土生土長嘅四川人親自調製嘅配方去整佢地嘅麻辣湯底，做到無味精、食完健康而唔口渴，係2017同2018更加分別獲得某周刊嘅最喜愛火鍋店同全港必吃火鍋票王No.1，就咁聽都已經lam lam脷藥膳清湯鍋 $88因為最近喉嚨唔太舒服嘅關係，所以今次只係揀左藥膳清湯鍋，湯底以紅棗、杞子、淮山、栗米、生薑等去調製，相當清甜入味，唔會好油膩，亦都充滿濃濃嘅藥膳味道，用料十分足，忍唔住都飲左3-4碗湯鮮雞半隻 $78 (跟湯底價)藥膳湯又點可以唔跟埋鮮雞呢，當藥膳湯滲透哂係鮮雞嘅肉入面，一啖咬落口除左可以食到雞件嘅嫩滑、唔老唔”鞋”之外，仲可以同時品嚐到湯嘅精華，而湯底亦因為鮮雞嘅加入而變得更香更甜，一絲絲雞味，打邊爐一定唔少得蘇格蘭聖子皇 $58/條蘇格蘭嘅聖子全年都盛產，尤其係4月到1月，每一條都特別肉嫩肥美，色澤白滑而且味道鮮甜，口感就更加係貝殼類之中最為爽口彈牙嘅，打邊爐食聖子唔需要淥好耐，1-2分鐘其實都已
地址：佐敦文英街16號地舖
係佐敦渡船街宵夜勝地附近嘅文英街，同一條街有兩間店鋪，仲要7點幾就坐滿哂人訂滿哂台，講緊嘅係二家姐正宗原味麻辣火鍋，聽講係土生土長嘅四川人親自調製嘅配方去整佢地嘅麻辣湯底，做到無味精、食完健康而唔口渴，係2017同2018更加分別獲得某周刊嘅最喜愛火鍋店同全港必吃火鍋票王No.1，就咁聽都已經lam lam脷
藥膳清湯鍋 $88
因為最近喉嚨唔太舒服嘅關係，所以今次只係揀左藥膳清湯鍋，湯底以紅棗、杞子、淮山、栗米、生薑等去調製，相當清甜入味，唔會好油膩，亦都充滿濃濃嘅藥膳味道，用料十分足，忍唔住都飲左3-4碗湯
鮮雞半隻 $78 (跟湯底價)
藥膳湯又點可以唔跟埋鮮雞呢，當藥膳湯滲透哂係鮮雞嘅肉入面，一啖咬落口除左可以食到雞件嘅嫩滑、唔老唔”鞋”之外，仲可以同時品嚐到湯嘅精華，而湯底亦因為鮮雞嘅加入而變得更香更甜，一絲絲雞味，打邊爐一定唔少得
蘇格蘭聖子皇 $58/條
蘇格蘭嘅聖子全年都盛產，尤其係4月到1月，每一條都特別肉嫩肥美，色澤白滑而且味道鮮甜，口感就更加係貝殼類之中最為爽口彈牙嘅，打邊爐食聖子唔需要淥好耐，1-2分鐘其實都已經好足夠，如果唔係就會縮哂水，口感都會變得遜色，所以一定要掌握好時間，一見到熟就要快啲夾起黎食
今次試唔到麻辣湯底，下次一定要再戰多回
Post
