馬祖 (將軍澳廣場) (Closed)

今日介紹馬祖嘅藥膳湯底米線，餐牌勁多款揀，米線比較爽身，而佢嘅藥膳米線更係十分高質，Lunch set仲唔收加一，還可以追加多款小食。碗麵嚟到原來勁大碗，超抵食，花枝丸同貢丸各有三粒，兩隻丸都唔會好鹹，我覺得貢丸好食啲，藥膳湯底味道清甜，唔會好重藥材味，可以見到有紅棗、杞子、木耳，龍眼肉等！個湯底味道真係好養生，真係啱曬養生之人，食完超大滿足，佢嘅價錢合理份量又多，估不到除了火鍋之外，湯米線都好食！食曬成碗米線之後，仲可以飲埋個藥膳湯底，完全唔覺得口乾，食得出應該無添加味精。追加左三款小食鹵水雞翼（5隻）都算扺食，非常入味好淋，味道幾好，啲雞肉都幾嫩滑。上湯白菜豬肉餃（6粒）幾飽滿幾大隻，餡料豐富，但唔算好出色，普通啲。而藥膳上湯墨魚春卷（6粒）原來好高質，好彈牙，有咬口。店舖內裝修光猛開揚，尚算乾淨，地方濶落簡潔，多數是卡座位，坐得很舒適。服務員態度都唔錯，食物好食，叫完嘢食好快就有得食，對於這個價格來說服務和環境總體還是不錯的，勝在價錢親民。