蘇媽.蘇媽馬來西亞茶餐室 (Closed)

餐廳：蘇媽.蘇媽馬來西亞茶餐室地點：尖沙咀加連威老道菜式：馬來西亞菜式餐牌：肉骨茶，撈粉麵，湯粉麵，辣死你嗎，咖喱，主菜，小食，甜品，飲品三層肉肉骨茶 $68三層肉肉骨茶一客8件肥豬肉，真係有三層肉，油份十足，好邪惡，食落脆口油脂彈出黎。個湯仲有杞子，豆腐卜同金菇。呢度叫任何肉骨茶菜式就可以任添肉骨茶架！服務員見我地飲完就主動幫我地加湯！檯面有紙教你點飲，先調醬，檯面有蒜蓉，辣椒，黑豉油同頭抽。個湯好清，藥材味濃，帶少少甜味，唔洗加野已經夠好飲，好正！高佬麵配雞扒 $68高佬麵配雞扒大大碟，有一大塊燶燶地既連皮雞扒，配淋身啡色油麵，面頭一隻水波蛋，伴有青瓜兩片，魚仔同花生，另配辣醬。雞扒皮脆肉嫰，好正。油麵口感味道都唔錯。可自由加辣或者加脆口花生同魚仔，多重口感。椰香咖央多士 $38椰香咖央多士一客四件，由兩塊烘燶多士夾住香濃甜絲絲咖央醬，食落脆中帶甜滑，好味道。似水榴槤 $48似水榴槤賣相不俗，有一隻紙造孔雀，好美觀。飲落滑溜，帶好香既榴槤味而唔會過火。椰汁班蘭冰 $38椰汁班蘭冰係奪目綠色，味道甜度適中，好香班蘭味，入面仲有粒粒西米咬下。今餐食物飲品都好唔錯，價錢好合理。呢度既肉骨