鮨玥 (Closed)

西灣河這個蘇豪區真係第一次黎，同老婆過黎坐下嘆下，因蘇豪區係近海邊，所以環境舒服又不算太多人，下次真係會再相約朋友或家人食下野舒服下。但估不到蘇豪區原來都幾多食店。【三得利生啤】黎得蘇豪區，點都會叫返杯酒飲下，叫左杯生啤濃郁甘醇同芳香發揮到極致，不錯。【吞拿魚壽司盛】赤身(左)、中拖羅(中)、大拖羅(右)，每款都有兩件，店員介紹由次序食赤身先到最後食大拖羅，每款都非常新鮮又沒有筋位，去到中、大拖羅入口即溶。讚!!【六點刺身盛】八爪魚、牡丹蝦、三文魚、金目鯛、吞拿魚(赤身)、油甘魚六款。每款刺身切得非常厚身又新鮮，八爪魚味道較清淡，但口感爽脆彈牙。牡丹蝦爽口鮮甜。三文魚油脂比例完美。金目鯛肉質鮮甜、吞拿魚(赤身)含油脂量較少，但肉質較實有咬口、油甘魚油脂勁香，不錯。【生燒白鱔】表面超香超脆的白鱔，脆脆的魚皮，入口肉內又非常多肉汁，又夠厚身，值得推介。