鮨玥 (Closed)

疫情期間，除左Staycation變左常態外，好多人開始周圍發掘香港嘅另一面，特別係某啲好似置身外國嘅地方。如果你都係其中一個，咁一定要去下鯉景灣嘅蘇豪區，佢同中環蘇豪區俾人嘅感覺完全唔同，因為長長嘅太康街就喺海旁，成條街都係半開放式嘅酒吧餐廳，一邊坐喺室外座位一邊吹住海風，真係好似去左東南亞旅行咁好有渡假feel，就算唔幫趁，喺度漫步都一樣咁有feel。而鮨玥係蘇豪區入面一間比較隱蔽嘅日本餐館，雖然佢唔喺大街，但因為附近冇乜日本菜，加上質素都真係唔錯，所以每晚都坐滿人。鮨玥雖然鋪仔細細，但佢地嘅丼飯選擇都好多，另外佢地仲有刺身、卷物同燒物可以揀。完熟水蜜桃汽水($35) - 今晚唔想飲酒，所以揀左哩款水蜜桃汽水，佢鍾意佢香甜得黎唔會太多汽。蔥本鮪魚腩海膽丼($248) - 哩個海膽丼定食本身跟左沙律、茶碗蒸同麵豉湯。沙律有足夠胡麻醬，酸酸地好開胃；茶碗蒸熱辣辣食落好滑溜，中間加左冬菇同日本魚蛋；麵豉湯唔會太鹹，啱返香港人口味。海膽雖然係比較大塊嘅加拿大海膽，不過食落都好鮮甜，海膽下面係吞拿魚腩蓉，食落好滑油脂甘香。牛油果軟殼蟹卷($92) - 飯卷入面除左軟殼蟹，仲加左牛油果，牛酒果