De België (Moved) New Location

平時好少上嚟蘇豪區食嘢，估唔到夜媽媽蘇豪區都有好多食肆營業。除此之外，仲有好多酒吧，好多外國人喺度聚集，好有氣氛。 今晚我哋去呢間餐廳其實都係酒吧嚟㗎，不過又有埋嘢食，而佢主打係乜嘢呢?就係比利時菜。我諗好多人都冇試過比利時菜，就等我哋一齊嚟試下啦。 黎到比利時餐廳一定要飲下比利時出嘅啤酒。即使唔鍾意飲酒嘅你，喺度總會揀到一款啱你嘅酒，無論係酒精濃度小或多都應有盡有。如果唔識揀都唔緊要，因為呢度嘅待應生都係香港人嚟㗎，佢哋好耐心咁樣介紹一啲酒畀我哋。 而今次我哋就飲咗一支黑啤，叫Rochefort 8, 聽佢介紹，應該係啤酒名牌嚟添。唔似其他黑啤咁，呢支入口容易，而且有一陣穀物味道，入口好醇，極力推介。 另外叫咗一杯無酒精嘅mocktail，青蘋果味嘅梳打，甜甜地好清新，但係冰塊多左啲啦。呢個前菜係叫Tomato Aux Crevettes, 係啲蝦仁加埋啲忌廉醬釀入 一個蕃茄裏面, 賣相整得好靚，亦好好味 ，醬甜甜地，有少少似沙律醬，蝦仁好爽。Belgium Ham&Shrimp Croque, 呢度菜有啲似沙律卷 外層炸到好脆，好香口， 裡邊係一啲火腿夾埋蝦嘅肉碎。 好多青口呀!