Video
Read full review
2021-08-06
596 views
Happy Friday! 約左友人黎呢間位於中環士丹頓街既Brick by Brick食個lunch。原來入口唔喺士丹頓街21號，要兜返落去斜波俊榮里條窄街入去先見到。餐廳座位唔多，得幾張枱，係半開放式。平日有午餐餐牌，包紅菜頭沙律或是日餐湯，主菜五揀一，有意粉，魚，雞，同牛扒，價錢由$88至$188不等，唔收加一。包咖啡或茶，可以加錢升級餐飲至汽水，果汁，或薑茶，羅漢果茶。紅菜頭沙律（跟餐）紅菜頭沙律有好多紅菜頭粒，新鮮沙律菜，同車厘茄，仲有甜甜既橙肉平衡下個味道。味道都濃，汁夠哂味。作為一個跟餐沙律份量好足。蘑菇湯（跟餐）未飲先聞到好香嘅黑松露醬味。蘑菇湯上面加左少少芝士碎同黑松露醬，蘑菇湯好滑同算厚身，味道好夠。鮮番茄燴豬肉醬意粉 $128意粉係spaghetti，唔會煮得太稔，質感唔錯。上面有豬肉絲，豬肉味濃。鮮番茄似係車厘茄。上面撒上香草。個汁有紅酒味。香煎三文魚柳配蜜糖燈籠椒醬 $148香煎三文魚柳都唔細塊，塊皮係脆脆地，滿佈鹽花，有d鹹，要同肉一齊食。魚肉都幾嫩。蜜糖燈籠椒醬甜甜地幾好味。伴碟有六件烤薯仔角同新鮮沙律菜。仲有一塊檸檬比你自己加汁。泰式香茅班蘭葉薑茶 （右
平日有午餐餐牌，包紅菜頭沙律或是日餐湯，主菜五揀一，有意粉，魚，雞，同牛扒，價錢由$88至$188不等，唔收加一。包咖啡或茶，可以加錢升級餐飲至汽水，果汁，或薑茶，羅漢果茶。
紅菜頭沙律（跟餐）
紅菜頭沙律有好多紅菜頭粒，新鮮沙律菜，同車厘茄，仲有甜甜既橙肉平衡下個味道。味道都濃，汁夠哂味。作為一個跟餐沙律份量好足。
蘑菇湯（跟餐）
未飲先聞到好香嘅黑松露醬味。蘑菇湯上面加左少少芝士碎同黑松露醬，蘑菇湯好滑同算厚身，味道好夠。
鮮番茄燴豬肉醬意粉 $128
意粉係spaghetti，唔會煮得太稔，質感唔錯。上面有豬肉絲，豬肉味濃。鮮番茄似係車厘茄。上面撒上香草。個汁有紅酒味。
香煎三文魚柳配蜜糖燈籠椒醬 $148
香煎三文魚柳都唔細塊，塊皮係脆脆地，滿佈鹽花，有d鹹，要同肉一齊食。魚肉都幾嫩。蜜糖燈籠椒醬甜甜地幾好味。伴碟有六件烤薯仔角同新鮮沙律菜。仲有一塊檸檬比你自己加汁。
泰式香茅班蘭葉薑茶 （右）(跟餐+$25)
通常做完水療就會飲呢類飲品。支飲管係香茅黎，飲落有淡淡香茅同薑味。杯邊放左一塊青檸。
話梅桃膠羅漢果茶 （下）(跟餐+$25)
話梅桃膠羅漢果茶既羅漢果味好重，加左一粒大大粒話梅，所以有淡淡嘅話梅味。下底真係有桃膠食。
服務員態度非常友善，今餐食得好舒服。環境好靜，方便同友人談天説地。如果菜式既鹹度調低返少少會更好。
除咗西餐之外，呢度都有秘製馬來西亞咖哩喇沙湯麵，下次可以試吓。
Post
