鮨玥 (Closed)

天氣開始轉涼，去海邊吹吹風甚為寫意。呢間位於蘇豪東既日本料理店，食物品質都唔錯。🔸北海道厚岸蠔 肥大飽滿，食落鮮味中帶有少少鹹鹹的海水味。🔸本鮪壽司盛 一份6件有齊赤身、中拖羅、大拖羅，可以一次過試晒3款唔同級別的拖羅。大拖羅當然好味重油脂，但赤身竟然比想像中軟滑好食，而且無筋。不過壽司醋飯醋味較重。🔸生薑燒安格斯牛肉丼 安格斯牛肉牛味比較濃，生薑燒味道帶點甜味，洋蔥煮到軟軟的非常好食。🔸蒲燒鰻魚丼蒲燒鰻魚係切片的但滿厚身的。醬汁是比較偏甜，我就鍾意無咁甜的。🔸唐揚日本池魚苗池魚食得多，但池魚苗真係第一次見同食，感覺幾得意。細細條炸得脆可口，送酒一流。🔸明太子雞翼中間釀滿明太子加上無骨，方便又好味。🔸西京平目魚西京燒味道甜甜的，魚皮燒得香焦，魚肉好嫩滑而且夠油脂。🔸啤酒點可以少左杯冰涼的啤酒整體食物唔錯，食完仲可以去吹下海風。