鮨玥 (Closed)

其實西灣河一帶餐廳選擇唔係好多，如果想約朋友食飯chill out首選一定係蘇豪東，但係其實大部份都係集團式同西餐為主。難得有間唔似係集團式嘅餐廳就係鮨玥。鮨玥其實我食過好多次lunch，可能因為住宅區，平日人流較少。有時星期五晚都會同朋友去食，都爆爆地，最好事先book枱。另外佢有個好處就係鯉景灣一帶有咪錶位泊車通常等5-10分鐘內都會有位，食完喺海旁散吓步幾舒服，好過去太古城D商場同人迫。今次點解嗌外賣呢，其實係因為咁岩OpenRice同HSBC合作，用OpenRice外賣自取有9折，揀左角切海鮮丼定食$133，用HSBC卡獎賞錢找數$1當$2使，所以我用左$67就食到刺身飯啦。除咗呢個Offer之外而家勁多promo code -$20，扣左外賣自取都係一個好選擇。唯一美中不足係個蒸蛋拎到返屋企散左。我見有啲餐廳外賣蒸蛋會直接用用個錫紙兜蒸，而唔係蒸完再”不”落個膠兜度。拎到返屋企就會完整D。