Video
Read full review
2023-02-01
594 views
我同朋友相約到蘇豪食飯，之前已經一直有留意「Le Jardin à Soho」呢間餐廳，因為佢有喺網上賣餐飲券。不過我哋就無買定，始終即場揀食乜，彈性大啲😃。餐廳佔地兩層，下層以飲嘢為主🥂，亦不乏打卡位，感覺有少少似神秘花園。上層樓底唔高，或許係閣樓，成個氣氛亦好唔同，對比樓下光猛得多！呢度主打西餐菜式🍽，價錢算係中矩中舉啦。食物即叫即整，製作需時，不過賣相吸引，色香味俱全。招牌香草焗雞配燒粟米($198/半隻)，🐔半隻雞份量都唔少。燒雞幾好肉，雞肉肉質嫩滑，兼且並無雪味；而雞皮則烤至微脆，就算唔蘸汁都已經夠味。伴菜係燒粟米🌽，整法有啲似而家好流行嘅避風塘口味，粟米香甜爆汁，又不乏鹹香。香辣蒜蓉大蝦配多士($158)，香蒜辣汁超級惹味🤤，並混入埋香草同牛油，簡直令人食指大動。蝦有四隻，而且堅係大隻，口感非常爽彈🦐。由於個汁咁正，得四片多士完全覺得唔夠喉，而且多士本身都烘到又鬆又脆🍞。蘇格蘭蛋($88)，佢係來自英國北部嘅美食🇬🇧，造型靚靚。蘇格蘭蛋外層經油炸，雞蛋被香腸肉所包裹，雖然比較薄，但勝在肉質唔太鬆散；而雞蛋蛋黃流心效果強勁🥚。菜式仲配上黑醋沙律菜，可清清味蕾。檸檬伯爵茶鬆餅配
我同朋友相約到蘇豪食飯，之前已經一直有留意「Le Jardin à Soho」呢間餐廳，因為佢有喺網上賣餐飲券。不過我哋就無買定，始終即場揀食乜，彈性大啲😃。
餐廳佔地兩層，下層以飲嘢為主🥂，亦不乏打卡位，感覺有少少似神秘花園。上層樓底唔高，或許係閣樓，成個氣氛亦好唔同，對比樓下光猛得多！
呢度主打西餐菜式🍽，價錢算係中矩中舉啦。食物即叫即整，製作需時，不過賣相吸引，色香味俱全。
招牌香草焗雞配燒粟米
$198
26 views
0 likes
0 comments
招牌香草焗雞配燒粟米($198/半隻)，🐔半隻雞份量都唔少。燒雞幾好肉，雞肉肉質嫩滑，兼且並無雪味；而雞皮則烤至微脆，就算唔蘸汁都已經夠味。伴菜係燒粟米🌽，整法有啲似而家好流行嘅避風塘口味，粟米香甜爆汁，又不乏鹹香。
香辣蒜蓉大蝦配多士
$158
23 views
0 likes
0 comments
香辣蒜蓉大蝦配多士($158)，香蒜辣汁超級惹味🤤，並混入埋香草同牛油，簡直令人食指大動。蝦有四隻，而且堅係大隻，口感非常爽彈🦐。由於個汁咁正，得四片多士完全覺得唔夠喉，而且多士本身都烘到又鬆又脆🍞。
蘇格蘭蛋
$88
6 views
0 likes
0 comments
蘇格蘭蛋($88)，佢係來自英國北部嘅美食🇬🇧，造型靚靚。蘇格蘭蛋外層經油炸，雞蛋被香腸肉所包裹，雖然比較薄，但勝在肉質唔太鬆散；而雞蛋蛋黃流心效果強勁🥚。菜式仲配上黑醋沙律菜，可清清味蕾。
檸檬伯爵茶鬆餅配雲呢拿雪糕
$138
7 views
0 likes
0 comments
檸檬伯爵茶鬆餅配雲呢拿雪糕($138)，🥞鬆餅有驚喜，原件大大塊，直徑約12cm，並且有成吋厚。鬆餅口感鬆軟，有少少似蛋糕，唔會太過空氣或太濕。班戟除咗富蛋香之餘，檸檬伯爵茶味亦同樣突出🍋，整體唔會太甜。唯一要留意嘅地方就係雲呢拿雪糕放上熱鬆餅，溶得好快。
The Hidden Coconut
$90
17 views
0 likes
0 comments
總括嚟講，呢間蘇豪西式小餐館幾高質，今晚食嘅每一道菜都好有水準👍。聽講佢週末有做Free Flow Brunch，我哋都有興趣一嚐呢！
Post
