白鬍子炸魚薯條

Open Now

Now Closed

今日難得有空去咗中環嘅蘇豪區，試吓佢嘅特色食物係蘇豪區附近有條卑利街，沿住斜路上到去，有幾間清bar西餐廳，其中一間就叫做白鬍子，聽講裏面嘅炸魚薯條都好出名。我哋就叫咗個招牌炸魚薯條，佢配檸檬角同兩款醬汁，啲魚肉鮮甜滑溜，唔會好似平時快餐店食果啲魚柳有鯹味同埋唔新鮮嘅感覺。啲魚柳條理分明，唔會一夾起就散。附上的檸檬汁，滴少少就能帶出魚嘅鮮味。不過薯條就可以話水準一般，未夠金黃，但都好食的。醬料方面可以因應自己的口味選擇，有6-8款，總有一款符合你心水。另外點了的魚塊沙律，那些魚塊係一口一粒的形狀，魚塊唔會乾，魚肉嘅水份重保留到。拌菜有我最鐘意嘅火箭菜！沙律菜食得出好新鮮，再加上了酸酸的沙律黑醋，能化解魚本來的炸膩感。最後叫了兩杯普通的飲料，凍檸茶和凍檸蜜，茶味十足，值得一讚！凍檸蜜更能充分解渴，又不用特別加額外的金錢，喝個夠本呢。最後值得一提就是他們的洗手間非常整潔，不會有異味，通常一個洗手間就能看得出一間舖頭的管理，這反映出他們也會保持清潔。