東方宮蘭州牛肉拉麵 (Closed)

日本拉麵食得多，中國拉麵真係未食過，得知呢間人氣蘭州牛肉麵係銅鑼灣開左店，就決定去試下！中國既拉麵技藝絕對係國寶級，大家可以係店到見到師傅拉麵既手藝，十分精彩！店員話比我知，呢度既拉麵都係即叫即手制！我叫左個紅燒牛肉拉麵同烤羊肉串！紅燒牛肉麵既湯底唔會好辣，味道十分香濃，麵條較闊身有點似刀削麵，入口好有口感，而且好吸到湯汁，牛肉有咬口都幾嫩，十分正！烤羊肉串係用孜然粉同辣椒粉週味，食落十分惹味，唔會得個辣字，香香麻麻咁，食完我都忍唔住再叫多份！呢度既麵質素高又食到傳統中國美食，好推薦大家黎試下