蘭桂坊車仔麵 (Closed)

去蘭桂坊唔飲酒可以做啲乜?同男友經過老蘭見到有間車仔麵開正係路中間，一於入去試下!由於我地早餐都未食，一坐底就起勢係咁剔。我同男友都叫左個五餸車仔麵，我果碗係牛丸、雞翼、豆卜、魚腐同響鈴配沙嗲汁加粗麵 ; 而男友果碗係金菇、豬紅、魚皮餃、鮮冬菇同芝士腸配沙嗲汁腩汁加米粉，小食叫左椒鹽燒賣、炸軟殼蟹同椒鹽雞軟骨，同埋唐生菜。飲品就叫左杯凍滋潤蜜糖水同埋凍金牌奶茶，叫完都驚會唔會嚇親其他食客。看似每人五個餸，其實我地交換啲就差唔多變左十餸麵，即使叫左沙嗲汁，車仔麵個湯底都唔會太濃，腩湯加少少沙嗲味，口感不錯，如果同我一樣想食辣啲既朋友亦都可以自行加店內既辣醬~ 至於啲餸其實大致上同外面車仔麵分別不大，唯獨推介要試下雞翼同埋牛丸，口感比外面水準高!麵類方面，粗麵比米粉同個湯底更夾，食落口每一啖都好滋味，難怪男友試左我個碗一啖之後就成日望住我個碗啦~哈哈~小食方面，睇得出廚師好用心整，椒鹽燒賣、椒鹽雞軟骨整得好入味，好似食緊大排檔啲「椒鹽豆腐」咁，認真不錯。至於個炸軟殼蟹，真的是非常出色之選，炸得好香口感非常正，推介一定要叫黎試下!!!!飲品方面，凍滋潤蜜糖水同屋企自己沖既一樣味，岩哂食左咁多