Video
Read full review
2024-03-19
45 views
好少食Buffet，總會覺得通常Buffet雖然豐富但我質素有限，但今日食咗「BACI Trattoria & Bar」，真係重振我對Buffet嘅信心。呢間主打正宗地道意菜嘅西餐廳無論系菜式定環境都真係一流，食物豐富而且質素相當高！而且佢嘅Pizza 更系亞太區薄餅大賽全港第二名！呢個Weekend Semi-Buffet 可以食足3個鐘。成人 💰488HKD4-12歳小童 💰328HKD淨係自助吧就有非常多種類海鮮（包括開邊波士頓龍蝦、蟹鉗、紐西蘭青口、海蝦及翡翠螺）、精選特級意式凍肉及芝士冷盤、廚師精選沙律、甜品及水果拼盤…好欣賞佢哋店員為客人介紹又細心，仲要會成日refill啲食物同換碟，服務周到又親切。超值之選！可以order新鮮即焗pizza,有5款選擇，每次可以order一個,食晒再繼續，唔好浪費！Pizza五款分別系Tuna, Onions & Mozzarella、Margherita、lItalian Sausages、4 Formaggi、Pepperoni我哋order咗Tuna, Onions & Mozzarella，賣相好吸引，現焗新鮮出焗勁香，熱辣辣餅底
好少食Buffet，總會覺得通常Buffet雖然豐富但我質素有限，但今日食咗「BACI Trattoria & Bar」，真係重振我對Buffet嘅信心。
呢間主打正宗地道意菜嘅西餐廳無論系菜式定環境都真係一流，食物豐富而且質素相當高！而且佢嘅Pizza 更系亞太區薄餅大賽全港第二名！呢個Weekend Semi-Buffet 可以食足3個鐘。成人 💰488HKD
4-12歳小童 💰328HKD
淨係自助吧就有非常多種類海鮮（包括開邊波士頓龍蝦、蟹鉗、紐西蘭青口、海蝦及翡翠螺）、精選特級意式凍肉及芝士冷盤、廚師精選沙律、甜品及水果拼盤…
好欣賞佢哋店員為客人介紹又細心，仲要會成日refill啲食物同換碟，服務周到又親切。超值之選！可以order新鮮即焗pizza,有5款選擇，每次可以order一個,食晒再繼續，唔好浪費！
Pizza五款分別系Tuna, Onions & Mozzarella、Margherita、lItalian Sausages、4 Formaggi、Pepperoni我哋order咗Tuna, Onions & Mozzarella，賣相好吸引，現焗新鮮出焗勁香，熱辣辣餅底，餡料豐富滿足。
值得一提嘅系佢哋連甜品都好掂，種類相當豐富，另外仲有好多生果，甜橙、蜜瓜、西瓜、提子…質素都好高。另外加錢仲有主菜、湯、飲品酒類。
烤澳洲和牛西冷+HKD78淨係睇賣相已經贏晒，紅酒味突出，和牛肉質一流，燒得好香口，跟埋炸薯條，超正！
香煎挪威三文魚+HKD48份量十足，檸檬牛油汁煎香三文魚，魚肉質嫩滑扎實，加入炒波菜，非常有營養。
BACI Trattoria • Bar （中環）中環蘭桂坊德己立街30-32號加州大廈地舖
Post
