Cafe Siam (The Plaza ) (Closed)

有餐前小食，辣醬配蝦片，好脆口！蒜蓉炒椰菜，蒜香味重，椰菜夠新鮮、爽脆，喺屋企好少食呢種椰菜苗！加咗$28 ，升級青咖喱大蝦，海鮮同青咖哩好夾，味道唔會辣！入邊加埋配料，泰國茄子好爽脆，同咖喱味道都好夾！豬肉包生菜，炒豬肉加咗洋蔥同辣椒調味料，香香地但又唔會太辣，配埋新鮮爽脆生菜！梅子醬大蝦沙律，味道好清新！大蝦爽脆，配埋啲水果粒同河粉，口感層次亦多！椰青水，當然新鮮，飲完野青水再食埋椰肉先一流！最後加埋南瓜布丁，呢個比較特別，外邊係真南瓜，入邊夾住布丁，味道唔會太甜！