Cafe Siam (The Plaza ) (Closed)

平日好少黎蘭桂芳，今次朋友介紹黎呢間o係蘭桂芳既泰國菜幾唔錯！呢度既環境好有feel, 唔似平時食泰國野既格調，野食方面好多選擇，好多都幾吸引xd 我地點左粉絲蝦煲，小食拼盤，咖哩燒鴨配Roti同炒椰菜苗。小食拼盤係2人分量，有串燒，香葉雞，蝦餅同春卷，最正係蝦餅，好香口彈牙!而粉絲蝦煲係好大煲，好多粉絲，蝦都有5-6隻，粉絲吸哂d汁好惹味，不過蝦就唔夠爽口。之後既紅咖哩燒鴨Vi就好中意，味道甜甜地唔太辣，鴨肉幾嫩，平時少見咖哩配鴨。而roti好鬆化，點咖哩一流。炒椰菜苗就不過不失。最後甜品要左芒果糯米飯，有黑同白糯米，芒果好甜，配埋糯米同椰汁好味。