Video
Read full review
2019-12-02
265 views
黑松露, 風乾火腿, 曼徹格芝士三文治 $148高級餐廳既呢份三文治 簡單黎講係多士 嚴格黎講係好好食既多士!!!present上睇得出刻意排得靚靚地 有幾塊綠葉係三文治上 隔離白色唔似沙律醬 應該係蛋白醬之類一咬落去多士既口感已經無得輸 香脆到一個點 多士兩面烘得微焦 啖啖都shokshok聲餡料除左邪惡既芝士 仲有更加邪惡既黑松露 呢個組合唔知點解未廣泛地被餐廳應用 真係有得做! 雖然黑松露無網圖咁澎湃 不過都係真材實料多士中間仲有薄薄既風乾火腿 比起一般火腿好食得多 沾少少醬食經已好得下我都係傾向叫呢份三文治做高級多士 睇落三塊唔算多 食完係有份滿足感 試過返唔到轉頭燒西班牙墨魚, 蒜香薯仔 $178呢份starter既處理好有心思落單果陣餐廳提一提我地 其實係八爪魚先岩 一早research左我當然知 不過就唔知建議食法係撈勻食 上菜果陣收到既溫馨提示最當眼除左條肥美八爪魚脚 仲有正中心既荷葉擺設 撥開先知底下係切左既八爪魚肉同薯蓉碟邊有飽滿既金黃粒粒魚子 黑色不知名粉粒 白色蛋白醬 賣相都幾藝術味道都相當唔錯 燒過黎既八爪魚幾香口 同時肉質彈牙得黎竟然又好易入口 唔使怕韌
黑松露, 風乾火腿, 曼徹格芝士三文治 $148
高級餐廳既呢份三文治 簡單黎講係多士 嚴格黎講係好好食既多士!!!
present上睇得出刻意排得靚靚地 有幾塊綠葉係三文治上 隔離白色唔似沙律醬 應該係蛋白醬之類
一咬落去多士既口感已經無得輸 香脆到一個點 多士兩面烘得微焦 啖啖都shokshok聲
餡料除左邪惡既芝士 仲有更加邪惡既黑松露 呢個組合唔知點解未廣泛地被餐廳應用 真係有得做! 雖然黑松露無網圖咁澎湃 不過都係真材實料
多士中間仲有薄薄既風乾火腿 比起一般火腿好食得多 沾少少醬食經已好得下
我都係傾向叫呢份三文治做高級多士 睇落三塊唔算多 食完係有份滿足感 試過返唔到轉頭
燒西班牙墨魚, 蒜香薯仔 $178
呢份starter既處理好有心思
落單果陣餐廳提一提我地 其實係八爪魚先岩 一早research左我當然知 不過就唔知建議食法係撈勻食 上菜果陣收到既溫馨提示
最當眼除左條肥美八爪魚脚 仲有正中心既荷葉擺設 撥開先知底下係切左既八爪魚肉同薯蓉
碟邊有飽滿既金黃粒粒魚子 黑色不知名粉粒 白色蛋白醬 賣相都幾藝術
味道都相當唔錯 燒過黎既八爪魚幾香口 同時肉質彈牙得黎竟然又好易入口 唔使怕韌 我幾欣賞既另一樣係薯仔混合切碎既八爪魚肉既處理 未見過又出奇地match 兩個字 好食!
我無刻意單試蒜汁 可能係撈起左 只係覺得道菜味覺上mix得幾和諧
伊比利黑毛豬梅頭扒伴炭燒大蔥 $288
又一道擺設得幾藝術既菜式 今次係主菜 鮮色系 賣相幾開胃
黑毛豬梅頭原來指豬肩位 當然係人地科普下我 高級餐廳有介紹是常識吧
老實講 我比較少鋸扒 除左對肉無太大喜好 亦都好肉難求 搵間處理得好既餐廳都唔易 而呢道黑毛豬整得好淋身 雖然厚但又非常易入口 我自己不知不覺都食多左
醬汁唔特別多 肉本身好食少少汁已經夠 伴碟既綠色醬本來以為wasabi之類 試左食唔出係咩 問人原來雜菜茸 都幾特別
雖然只有三塊 份量對我黎講剛好 呢道菜都值得一試
牛腹扒, 黑松露薯蓉伴燒肉汁 $298
想自己落手鋸下扒既朋友就唔使叫佢 因為切好左 殘廢餐岩哂我
跟左人地建議叫medium 色水幾靚下 肉質都唔錯 事關我食牛扒都幾怕韌 咬左下先放心 唔難咬 同時幾有嚼口 幾juicy 幾有肉味 呢碟牛腹扒我自己就多多益善咁沾燒肉汁黎食
其實呢道菜我最食到停唔到口係黑松露薯蓉 又有燒肉汁濕濕地咁入口 好岩我食 又發揮到伴碟加分既效果
順便講下餐廳環境 個場燈光偏暗幾有格調 drink menu多款酒精飲品選擇 亦都有吧枱係一邊 另一邊就有大屏幕 屏幕底下有set設備似係玩音樂用 餐廳走中高檔路線 都適合慶祝黎食 我又留意到十二月executive lunch有六折 相當抵玩 詳情自己上網睇睇
Post
