蘭芳園

Open Now

Now Closed

蘭芳園既奶茶相信好多人都試過，十篇有九篇食評都係講佢既奶茶。但係佢既燒味你地又有無食過呢？中環蘭芳園既旁邊新開左一間蘭芳園燒味舖，主要做外賣生意，取代已搬遷既龍記燒味，成為該區僅有既燒味店。不過店舖不大，只能放一張小桌在外面，想坐低食就真係要撞撞運氣喇。今次試左外賣既肥叉飯，賣相普普通通，份量亦都唔算特別多。飯粒粒分明，比較硬身。叉燒肉質尚嫩，味道偏咸，加埋豉油真係有點過咸。做法，選料唔算特別，比起傭記/金華等叉燒老店還差一段距離。本來諗住叫個飯可以跟杯奶茶試下，點知原來兩邊係分開獨立運作的。不過幸好個中湯都有d料又唔算太過味精，29蚊咁既質素咁既地段尚可接收啦。