老虎堂黑糖專売 (渣甸街)

Open Now

Now Closed

仲記得當時老虎堂一係香港開，排隊要成一個鐘先買到，大家都排。依加分店越開越多，亦有好多其他店都有同類飲品，熱潮過後基本上路過唔使排就買到。照舊嗌佢既signature 黑糖珍珠鮮奶，首先黑糖珍珠份量好多。員工唔係隨手裝，見到入面員工真係將個杯擺係個秤上面裝珍珠。奶味都濃，總括係好飲。不過冇得少甜，因為呢杯既甜係黎自啲黑糖，無糖即係冇黑糖就冇意思喇。中意飲呢類飲品既注意卡路里喇，一杯飲落去都幾肥嫁，不過好飲梗係飲咗先。