Video
Read full review
2021-10-14
75 views
行完街想食壽司，見呢間未食過就試下，唔使點等就有位，坐低見重有半價好開心落order,等緊上壽司嘅時候，頭頂照住我哋枱嘅射燈閃下閃下好似想壞，我哋覺得咁樣閃住對眼好唔舒服就問下個staff可唔可以熄咗照住我哋果盞燈，或者換枱？佢話熄就有難度，換枱而家都難，咁我哋見當時枱枱都有人坐的確好難，我哋諗緊走唔走嘅時候，跟住個staff就話一係我幫你轉一轉盞燈嘅方向，咁我哋覺得佢都盡量處理就算啦，當其時壽司都上枱就食住等，邊食邊等都唔見佢過黎處理就心諗可能太忙唔記得，於是再提提果個staff,佢答我「ok,等一等」就走開，我哋重諗緊佢係唔係要搵嘢隊盞燈，點知又係一路都當無件事，我哋就知佢只係虛應我根本無諗過處理，我見有兩張枱埋咗單，就叫應該係店長嘅過黎同佢講你個同事應承我處理但又無做嘢，佢都係講同一番話，咁我話你可唔可以幫我換枱呢？咁閃住對眼好唔舒服，佢話有難度就走咗去，我果下真係著咗火，咁一開始講清楚，未上壽司前我可以選擇唔食食第二間，而家即係上晒嘢食逼我一定要食，請問係咩服務質素呢？你覺得全程閃下閃下食會開心咩？做唔到就唔好應承，你做咗改善唔到我都唔怪你，但你呃我就完全接受唔到，我好少俾負評
Post