Video
Read full review
2021-05-17
1360 views
假日一家人難得外出用膳，一行3人選了屋企附近開咗好多年但從未幫襯過嘅西餐廳，外表裝潢高級，價錢同樣不便宜，但一個禮拜一次都唔計較啦！到達時正處於晚飯繁忙時間，但餐廳只係半滿，恤衫中年男職員（應該係經理）安排咗我哋坐一個中間四人枱，但眼見側邊四人梳化位仲有幾張吉咗出嚟，但又冇放「留坐」嘅牌，奇怪為何唔安排我哋坐較舒適嘅位置呢？為咗唔想麻煩所以都逆來順受算了，當點完餐後發現身傍有幾隻蚊喺度徘徊，撥極都唔走，終於忍唔住向職員要求調離蚊蟲聚集嘅地方，最後安排調過去4人梳化位，咁點解唔一早俾我哋坐呢？❓❓❓🤷🏿♂️❓❓❓(黑人問號)【 食物 】我哋總共叫咗前菜雞翼、紐西蘭肉眼扒、蟹肉 Pasta、海鮮 Risotto 同啤酒，除咗雞翼有驚喜之外，其他都不值一提。🍝Pasta 酒味太濃，個人唔喜歡...🥩肉眼扒好細舊而且有點 overcook，而 side dish 嘅薯條同老麥一樣質感同味道🍟 個蘑菇 sauce 同 KFC 蘑菇飯汁100% match...一次過食晒老麥同 KFC，終極敗筆之首😑🥘Risotto 嘅醬汁我都麻麻地，但同行一位經常要到外國公幹嘅家人則認為「鬼佬口味」係咁屬正常
到達時正處於晚飯繁忙時間，但餐廳只係半滿，恤衫中年男職員（應該係經理）安排咗我哋坐一個中間四人枱，但眼見側邊四人梳化位仲有幾張吉咗出嚟，但又冇放「留坐」嘅牌，奇怪為何唔安排我哋坐較舒適嘅位置呢？為咗唔想麻煩所以都逆來順受算了，當點完餐後發現身傍有幾隻蚊喺度徘徊，撥極都唔走，終於忍唔住向職員要求調離蚊蟲聚集嘅地方，最後安排調過去4人梳化位，咁點解唔一早俾我哋坐呢？
❓❓❓🤷🏿♂️❓❓❓(黑人問號)
【 食物 】
我哋總共叫咗前菜雞翼、紐西蘭肉眼扒、蟹肉 Pasta、海鮮 Risotto 同啤酒，除咗雞翼有驚喜之外，其他都不值一提。
🍝Pasta 酒味太濃，個人唔喜歡...
🥩肉眼扒好細舊而且有點 overcook，而 side dish 嘅薯條同老麥一樣質感同味道🍟 個蘑菇 sauce 同 KFC 蘑菇飯汁100% match...一次過食晒老麥同 KFC，終極敗筆之首😑
🥘Risotto 嘅醬汁我都麻麻地，但同行一位經常要到外國公幹嘅家人則認為「鬼佬口味」係咁屬正常，可能係我港燦口味問題啩...
【 服務 】
可能因為冇乜客，東南亞睿職員多次想收起枱上未食完嘅碟，搞到場面有點尷尬，不過全程都有禮貌嘅，反轉諗都好過d乜都唔做企埋一二角蛇王嘅職員嘅⋯
⚠️最令人匪夷所思同不能接受嘅係店內上網極其緩慢，嘗試過兩個電訊公司網絡都收唔到，好似同外界斷絕聯絡咁，但當行出門口半步即刻回復正常，百思不得其解😰
總結，埋單差唔多 $900 但我唔會再 encore🙅🏻♀️🙅🏻 前一個街口嘅 LG 小店無論塊扒同 pasta 都高質過佢又平過佢😒
*思前想後，正在糾結應該比「OK」定「劣評」，但諗深一層疫情期間生意難做，都係手下留情...
Post
