東海堂 (友邦廣場)

Open Now

Now Closed

最近工作得辛苦，愛人今晚接我收工嘅時候，特登去咗東海堂買兩個蛋糕氹我開心。其中一個仲特登揀咗個心型嘅，睇到都sweet ，都咩壓力都無曬！另一個揀咗個紫薯味嘅。佢話呢個係最近人氣之選，係個店員建議佢買嘅。兩個蛋糕嘅外型都非常之精美又好靚見到都唔捨得食我首先梗係食咗個心形架啦我呢唔係士多啤梨嘅蛋糕外層，帶少少酸。由於男仔買蛋糕嘅時候，都係睇外型同埋聽店員推介。所以我問佢點呢個懷疑係士多啤梨外層嘅蛋糕，點解會會酸酸地嘅？會唔會呢個係桑莓定雜莓呢？佢都唔係好清楚喎！切落去蛋糕，食到中心嘅位置，居然係鮮綠色嘅海綿蛋糕心！呢個綠色嘅海綿蛋糕究竟係咩味？真係完全食唔出，得個甜字，一定唔係綠茶，因為冇綠茶味。但係究竟係咩味？同埋點解會用咗個鮮綠色做內膽？又同出面嘅士多啤梨外層走互相矛盾嘅口感？真係唔多清楚。總之一句，甜得滯，唔知咩味，難食。跟住去食另一個紫薯外層，忌廉中心嘅蛋糕。呢個配搭正常啲，但係成個蛋糕都係偏甜重糖，感覺好唔健康。而家嘅甜品追求好食、外觀靚同埋材料配搭新鮮。東海堂嘅蛋糕雖然外觀做得好精緻，麵包部分亦有日式蛋糕嘅柔軟，但係配料九唔搭八，得個甜字，令人失望。最後當然都係好感謝愛人嘅一