PAPER STONE BAKERY

Open Now

Now Closed

這間Paper Stone Bakery據講係美心集團旗下嘅餅店。但除咗大家都可以用信用咭找數之外，啲包同美心西餅和東海堂有好大分別。呢度啲包係舖頭入面做嘅，唔係大埔工業邨嘅中央餅房。而且用上日本昭和麵粉，質感同味道都高一班。呢度主打歐式麵包，如裸麥、黑麥同酸種等，亦有米粉包同埋Simply Life風格嘅酥餅。當然，價錢會比較貴，普通包要$16一個，啲大啲嘅歐式麵包就要$20~30。我光顧時差唔多係聖誕節，有得意嘅麵包雪人。舖頭裡面亦可以預訂，無記錯係$70左右。飽肚之選嘅『每日廚師精選』($34)，其實係番茄羅勒葉芝士薄餅。成寸厚嘅餅底鬆軟，唔係太油，番茄同羅勒葉都落得非常慷慨。對我嚟講夠一餐。