Video
Read full review
2014-01-16
2212 views
已經幫襯左呢間既車仔麵好幾年了，記得當初無咩電視雜誌報導，根本唔知有幾好味，只係純粹咁岩行過入去試，點知一試就愛上 雖然都幾多餸揀，但初初我只係試最basic既魚蛋、蘿白油麵，後來又試左門口推介既甜酸齋、魷魚，之後又試佢既雞翼、冬菇、墨魚丸，所以依家好多時去到都已經有心水: 雞翼/墨魚丸/甜酸齋+生菜+油麵+辣 雞翼...佢d雞翼係滷水雞翼黎，仲要滷得好夠味，唔會一味死咸或唔夠味 (不過有時雞皮上會有小小幼毛，要小心) 墨魚丸...佢d墨魚丸係有d墨魚粒響入面既，唔同平時車仔麵食開果d，所以好有墨魚味又有咬口，仲要大大粒，本人非常推荐 甜酸齋...雖然酸齋配車仔麵好似怪怪地，但佢d甜酸齋係仲有少少脆口，加上酸酸甜甜，配車仔麵上黎又幾夾 油麵...個人覺得車仔麵係要配油麵至夠地道，除非d油麵好難食我先會叫其他麵，而佢地既油麵就好正，唔太油之餘仲略帶煙un彈牙，所以我去到必點 辣醬...類似沙嗲醬既野黎，小小辣之餘帶有甜味，加入碗麵一齊食可以話係神來之筆 我唔係成日影相，所以呢幅相已經差唔多兩年前影落，但味道同上個月食既一樣好味，只係價錢已經加多左(相中呢碗2012年要 $22
雖然都幾多餸揀，但初初我只係試最basic既魚蛋、蘿白油麵，後來又試左門口推介既甜酸齋、魷魚，之後又試佢既雞翼、冬菇、墨魚丸，所以依家好多時去到都已經有心水: 雞翼/墨魚丸/甜酸齋+生菜+油麵+辣
雞翼...佢d雞翼係滷水雞翼黎，仲要滷得好夠味，唔會一味死咸或唔夠味 (不過有時雞皮上會有小小幼毛，要小心)
墨魚丸...佢d墨魚丸係有d墨魚粒響入面既，唔同平時車仔麵食開果d，所以好有墨魚味又有咬口，仲要大大粒，本人非常推荐
甜酸齋...雖然酸齋配車仔麵好似怪怪地，但佢d甜酸齋係仲有少少脆口，加上酸酸甜甜，配車仔麵上黎又幾夾
油麵...個人覺得車仔麵係要配油麵至夠地道，除非d油麵好難食我先會叫其他麵，而佢地既油麵就好正，唔太油之餘仲略帶煙un彈牙，所以我去到必點
辣醬...類似沙嗲醬既野黎，小小辣之餘帶有甜味，加入碗麵一齊食可以話係神來之筆
我唔係成日影相，所以呢幅相已經差唔多兩年前影落，但味道同上個月食既一樣好味，只係價錢已經加多左(相中呢碗2012年要 $22，2014年要 $28了)，不過今時今日黎到2014年仲可以響灣仔金鐘呢頭廿幾三十蚊就可以食到個飽飽lunch，夫復何求? (雖然呢幅相果pat醬有d 核突，但絕對係正野黎的，只係加太多既話食完會有小小口渴 )
Other Info. :
雖然要立食，但lunch hour都有幾多女仔企響度食架~
另外，麵類如果無講明要大/中/細份量既話，老闆會俾細你，所謂細份量，其實同平時車仔麵食既份量差唔多架咋，所以一般加埋其他餸都夠食，男仔十個有5,6個都只要細份量~
(The above review is the personal opinion of a user which does not represent OpenRice's point of view.)
Post
