真味鮮廚

Open Now

Now Closed

就嚟過年，今年同阿爸阿媽一家人揀咗喺真味鮮廚度食團年飯。我哋一家人叫咗一個套餐，有乳豬、刺身拼盤、龍蝦、花膠煲螺頭湯、同埋蟹。嗰餐最吸引我嘅就係隻蟹，蟹腳好長，原隻蒸完上枱熱辣辣，我都等唔切即刻搶咗黎食。一剪開成條長蟹柳走左出黎，啲肉好鮮甜，鍾意食蟹嘅我都覺得不妨一試；另外最令我驚喜嘅係蒜蓉粉絲蒸波士頓龍蝦，我都可以話係蒜蓉控，逢係蒜蓉嘅嘢我都鍾意食，呢個蒜蓉龍蝦同蒜蓉蒸開邊蝦有得揮，啲蝦肉好好味，同樣都係好鮮甜。整體嚟講佢啲海鮮都唔錯，成個套餐二千蚊有找，12個人都算係咁啦。