Frozen Fruit (Closed)

我愛人話想試下熱狗，於是去間新店買比佢食。點知一去門口已經好多人等緊，大家都係等熱狗。店員話要等二十分鐘先有，為左食唯有等下，比左錢佢會比左英文字母既卡你，用黎一陣羅食物。見天口熱，叫左熱狗之外，仲叫左杯玫瑰果茶。杯茶係茶包沖成，感覺無咩特別，唔會特別香，飲左之後又唔會好解渴，不過就唔甜既。至於主角熱狗，個包有焗脆，腸仔用司華力腸，外面好似都有烤下，不過食落佢好似比人淥熟多d，完全風味唔同曬，縱使佢加左芝士、蕃茄醬、芥末醬，都係扣分。間鋪無咩其他野食，見到佢岩岩開張，星期一又無開鋪，可能好快做唔住！