Terrace in seaside (MOKO新世紀廣場)

Open Now

Now Closed

相信大家對呢間都唔陌生，係間連鎖嘅韓式咖啡店，九龍港島新界都有分店，主打多款創意韓國料理同柑橘主題嘅菜式，近期更加入新年菜單迎接蛇年～ 店內裝潢簡約，木系色為主調，咩款色嘅枱凳都有齊曬，俾人感覺好寫意。前菜小食有蛇麼都要韓式煎餅拼盤，個名起得零蛇可愛🤣 選擇困難症嘅叫呢個都唔錯，集合多款新鮮蔬菜、大大隻蝦仁同煎餅。外層用蛋漿抱住，煎至酥脆可口，皮薄，唔油膩，蔬菜多汁、蝦爽口彈牙、煎餅餡料飽滿，值得一試。明太子奶油幼年糕比較少見，年糕長到好似麵條咁，夠掛汁，咬落煙煙韌韌，散發著淡淡明太子香氣，上面仲有兩件芝士炸豬排，滿足感UP💛 鮑鮑高昇飯卷帶微微辣，鮑魚彈牙，飯卷層次感豐富，飯粒軟糯，搭配青瓜蛋等配料更開胃。甜品係期間限定嘅蛇年喜有柿你窩夫，窩夫外層微微脆身，內裏軟綿，牛油味唔算好突出，附上邪惡Cream同清新又鮮甜嘅醬汁可增添口味，旁邊仲有個可愛迷人嘅糯米糍，讚。飲品有柿事連連柿子綠茶同橘子咖啡，前者Fresh後者味濃，打卡able又好味，會回訪。