玉子造屋 (Closed)

我哋對蛋一向情有獨鍾，逢係用蛋做既菜式都會想叫黎試吓。一直都想黎呢間餐廳，不過地點不就腳，所以等到今日先有機會過來。餐廳係主打用蛋做嘅飯包括招牌嘅旋風蛋。主食其實有三款蛋既做法俾你選擇：醬油流心蛋，和風太陽蛋，半熟玉子蓋飯(即係旋風蛋)。洋蔥蘑菇汁雞肉半熟玉子蓋飯洋蔥加上蘑菇汁哩個絕妙嘅組合，送飯係超正雞肉亦做得不錯，旋風蛋都整得好滑。呢度嘅白飯仲加入飯素，有粒粒海苔，鰹魚，芝麻等等，增加口感咖喱吉列豬扒太陽蛋飯最重要係要試吓個蛋汁，相比炒蛋，太陽蛋嘅蛋汁係會感受到最濃厚的蛋味。不過哩次帶點失望因為食唔到香濃嘅蛋味，豬扒亦過厚失去口感，雖然不至於唔好食，不過比預期失望。岩鹽粟米天婦羅估唔到除左蛋，哩個粟米天婦羅都好有驚喜！粟米粒炸成波，外層香脆，內裡是滿滿香甜粟米粒，又唔會食到滿口油膩原味班戟原味嘅班戟就似坊間食到嘅梳乎厘班戟。不過就質感就冇咁軟滑輕盈，還好蛋味十足。