반찬앤쿡 Banchan and Cook (太古城中心)

Open Now

Now Closed

太古城有Banchan & Cook, 環境開揚幾闊落！menu野食不錯幾吸引，蕃茜海鮮蛋包飯， 有大蝦，魷魚，青口 bb, 蕃茜醬汁做基調，帶點香草清新感覺！蝦大隻烤得幾香口夠爽彈，青口 bb幾鮮味，配上蕃茜汁更突出味蕾感覺。蛋包飯做得幾好唔會太熟太乾！內層仍然嫩嫩半溶狀態，蛋香幾正。烤雞卡邦尼年糕，味道相當creamy, 卡邦尼既忌廉奶油香好到位，又唔會太膩，醬汁包住年糕， 煙煙靭靭好有咬口幾好食，烤雞好香，keep到彈性質地！啖啖肉又多肉汁。韓式豬手沙律， 肥瘦到均稱！肉與樣之間層膠質幾正，而且經已調好味，配上下層既沙律菜，中和過多肉既油膩感。韓式炸雞。清爽蕃茜汁作調，清爽感十足，唔會炸到太多油，一啖一口幾好肉！蕃茜汁幾香，完全減膩。不錯！韓式雜莓牛角包窩夫，窩夫帶有幾香既肉桂味， 味道又唔會太甜，而質地帶有一份煙韌感覺！ 還有士多啤梨，藍莓更增健康感。清新香橙綠茶沙冰，幾新穎既配搭！微甜幾重綠茶香，又唔會有太苦澀味，冰涼透心。