蘇記流心燉蛋專門店

Open Now

Now Closed

假日中午入元朗行下，呢間小店應該岩岩開鋪唔洗等位，有個伯伯好熱情咁招呼我地 佢應該就係老闆蘇記啦 我同朋友叫左一個凍蛋，一個熱蛋。熱蛋好香牛乳同蛋味，好正好滑！ 好過去澳門食又貴又唔滑又細碗嘅雙皮奶。凍蛋好似食緊布丁咁，都係熱好食。食完埋單，老闆好緊張咁問我地好唔好食，好可愛，同佢傾左陣計就見佢入返廚房打蛋，仲細心咁整走入面啲空氣！難怪隻蛋咁滑啦！有機會一定再去，咁有人情味又好食嘅小店買少見少，需要多多支持，唔想比錢食又貴又難食嘅大集團。