韓閣

Open Now

Now Closed

平時放工會係將軍澳買韓國外賣，價錢唔貴而且好大份，係香港數一數二抵食韓國餐廳。二今日經過黃大仙先知韓閣喺黃大仙開咗旗艦店，面積非常大，並以韓國懷舊復古風作主題。- 紫菜肉鬆蛋卷同平時食開嘅日式玉子燒非常唔同，韓式蛋捲係將材料（蔥同明太子）加入蛋漿然後再卷，味道比較濃味。面頭再加上紫菜同肉鬆作點綴，味道同賣相跟上一層樓👍🏻- 亞之媽炸雞我地揀左蜂蜜牛油味，炸雞有五、六件，炸粉有啲厚，不過味道唔錯，肉質都嫩滑。亞之媽炸雞仲有其他味道，包括傳統甜辣味、秘製甜酸醬油味、三重芝士同烤芝士甜辣醬。- 韓式燉牛骨湯拉麵牛骨肉有好多件，肉質唔韌而且幾入味，另外仲有蘿蔔，不過略嫌湯份量唔太夠，而且好鹹。- 鐵板炒泡菜五花腩開胃嘅泡菜配上軟嫩既五花腩片，味道酸辣，送飯一流。另外仲有其他蔬菜包括蘿蔔同椰菜。- 凍檸檬茶第一次見到咁大杯嘅凍檸檬茶，不過餐廳啲食物咁鹹，呢個份量都係啱啱好🤣韓閣咁多分店之中，黃大仙旗艦店最有特色，食物嚟講以蛋卷同炸雞最好。