Video
Read full review
2020-07-02
48 views
E FOR EGG #大圍 ❗️蛋控天堂 超澎湃蛋多士❗️—————————————————— 軟殼蟹牛油果蛋沙律吐司🦀$60味道: 4.2/5 性價比: 3.9/5三重芝士滑蛋吐司🍳$35味道: 4.3/5 性價比: 4.2/5——————————————————呢排香港掀起一陣韓風吐司熱潮💨呢間主打澎湃蛋吐司嘅Cafe得到唔少好評，當日特登入嚟大圍品嚐😋佢哋有幾款恆常嘅蛋吐司、另外亦定期有限定款式，仲有提供丼飯同埋飲品。大圍地鐵站一過天橋就到，餐廳細細，內裏只有四個位，另外有少量室外站立位置。所有吐司都係即叫即整，而且有唔少人嚟，所以要等10至20分鐘左右㗎‼️亦可預先打電話去order，咁就唔使等咁耐啦。呢度吐司嘅特色除咗澎湃嘅蛋之外😍一定係超厚好似盒子咁嘅吐司🍞每一面都搽上牛油去煎至金黃色，外層酥脆但唔會刮口，內裏係超級鬆軟，口感真係好好🥰！軟殼蟹牛油果蛋沙律吐司🦀$60 (期間限定)由於係限定款式，價錢相對貴啲😶如果恆常款式牛油果蛋沙律就只係$42，視乎大家鍾唔鍾意軟殼蟹，我覺得冇軟殼蟹都已經夠好食👍🏻不過加埋口感就豐富啲，軟殼蟹都算炸得香脆唔會太油，不過略嫌冇乜肉，而且食到一半
❗️蛋控天堂 超澎湃蛋多士❗️
——————————————————
軟殼蟹牛油果蛋沙律吐司🦀$60
味道: 4.2/5 性價比: 3.9/5
三重芝士滑蛋吐司🍳$35
味道: 4.3/5 性價比: 4.2/5
——————————————————
呢排香港掀起一陣韓風吐司熱潮💨呢間主打澎湃蛋吐司嘅Cafe得到唔少好評，當日特登入嚟大圍品嚐😋佢哋有幾款恆常嘅蛋吐司、另外亦定期有限定款式，仲有提供丼飯同埋飲品。
大圍地鐵站一過天橋就到，餐廳細細，內裏只有四個位，另外有少量室外站立位置。所有吐司都係即叫即整，而且有唔少人嚟，所以要等10至20分鐘左右㗎‼️亦可預先打電話去order，咁就唔使等咁耐啦。
呢度吐司嘅特色除咗澎湃嘅蛋之外😍一定係超厚好似盒子咁嘅吐司🍞每一面都搽上牛油去煎至金黃色，外層酥脆但唔會刮口，內裏係超級鬆軟，口感真係好好🥰！
軟殼蟹牛油果蛋沙律吐司🦀$60 (期間限定)
由於係限定款式，價錢相對貴啲😶如果恆常款式牛油果蛋沙律就只係$42，視乎大家鍾唔鍾意軟殼蟹，我覺得冇軟殼蟹都已經夠好食👍🏻不過加埋口感就豐富啲，軟殼蟹都算炸得香脆唔會太油，不過略嫌冇乜肉，而且食到一半冇晒🙈表面嘅牛油果非常熟透，配埋底下嘅蛋沙律，口感creamy！不過牛油果同蛋沙律係凍凍地，個人就覺得咁凍嘅牛油果有少少突兀，不過整體味道的確唔錯！
三重芝士滑蛋吐司🍳$35
呢款絕對係佢哋嘅經典招牌款式✨加入芝士落炒滑蛋，表面再鋪滿大量芝士碎，一切開啲湧擁晒出嚟🤩加上左自家製嘅醬汁，似係酸酸甜甜地嘅沙律醬，同滑蛋簡直係Perfect match，咁邪惡真係好難唔好食🥰不過整體味道係偏甜，鍾意食鹹吐司嘅就可以揀其他款式。
荔枝香檸四季春🥤
店主超級好人，仲送咗我哋一杯嘢飲，非常清涼，飲咗清香嘅荔枝同埋少少檸檬嘅酸味，啱晒解膩。
整體來講幾好食，吐司口感好好，值得一試！唔夠食嘅仲可以加$10要1.5倍，不過我覺得原本個size其實已經係超級飽肚👍🏻另外建議堂食，因為真係超澎湃，攞走嘅話會食得好論盡😂提醒大家呢啲吐司一定要熱食先好味，所以唔好比相機食咁耐啦！
——————————————————
E FOR EGG (大圍)
🚩大圍積運街2-8號海福商場地下2號舖
三重芝士滑蛋吐司
$35
26 views
0 likes
0 comments
軟殼蟹牛油果蛋沙律吐司
$60
30 views
0 likes
0 comments
三重芝士滑蛋吐司
$35
25 views
0 likes
0 comments
荔枝香檸四季春
6 views
0 likes
0 comments
Post
