Video
Read full review
2024-02-11
547 views
紅茶喺香港有好多間分店，我亦都唔止食過一次。但係每次經過沙田呢間，永遠都係打蛇餅排長龍。今日年初一完全唔使排隊，可以直入餐廳真係非常好喺門口已經見到佢有蛋撻，一坐低即刻叫人落單幫我哋嗌咗兩個先🤣🤣因為佢啲蛋撻經常都俾人掃晒。近期紅茶冰室嘅蛋撻都算係最得我心，每次經過見到都忍唔住想嗌返個嚟食吓入到去我哋一個叫咗一個全日早餐，另一個叫咗龍精虎猛。龍精虎猛其實就係一條炸魚柳一條司華力腸同卡邦尼汁意粉。想講佢呢度啲意粉我哋都幾鍾意，因為唔會好似一般茶餐廳咁煮到林晒發脹晒。魚柳亦炸得啱啱好，唔會多粉，條魚柳仲好長，不過唔記得影相。另外仲叫咗個全日早餐。其實都幾大份，樣樣都幾好食，係個煙肉爭少少太硬。不過新年就要加二，要睇吓大家覺得值唔值喇
喺門口已經見到佢有蛋撻，一坐低即刻叫人落單幫我哋嗌咗兩個先🤣🤣因為佢啲蛋撻經常都俾人掃晒。近期紅茶冰室嘅蛋撻都算係最得我心，每次經過見到都忍唔住想嗌返個嚟食吓
入到去我哋一個叫咗一個全日早餐，另一個叫咗龍精虎猛。龍精虎猛其實就係一條炸魚柳一條司華力腸同卡邦尼汁意粉。想講佢呢度啲意粉我哋都幾鍾意，因為唔會好似一般茶餐廳咁煮到林晒發脹晒。魚柳亦炸得啱啱好，唔會多粉，條魚柳仲好長，不過唔記得影相。
另外仲叫咗個全日早餐。其實都幾大份，樣樣都幾好食，係個煙肉爭少少太硬。不過新年就要加二，要睇吓大家覺得值唔值喇
Post
