Video
Read full review
2013-04-27
38 views
前排經過教育路見到一間門面好吸引叫蛋包飯嘅食店, 一睇就知唔係d寂寂無名嘅小店, 今晚特意嚟試下。晚上九點幾, 無需等位但客人唔算少。果然, 天后亦有呢間蛋包飯, 而且有幾個電視節目介紹過。全店木枱木櫈, 大路日本餐廳裝潢, 但佈置有點玩味, 用咗打蛋形籐製燈飾, 同埋牆上用蛋紀念品砌成好大個蛋字, 凸顯蛋這個主題。座位分佈亦唔會有好迫感覺。重點當然睇下有咩招牌菜/ 推介先啦, 見到牆上貼出嚟嘅相介紹, 下! 一個蛋包飯要$158? $198? 比預期中貴, 我預算係一百蚊左右, 而我認為佢呢個價錢已經可以係一間中檔意大利餐廳食個好味嘅意大利飯喇。不過入到嚟唔理點都要試下, 其實餐牌上其他蛋包飯有部份都唔過一百蚊。最後我點咗菠菜帶子蛋包飯、和風牛舌蛋包飯同埋芝士無骨雞翼。配蛋包飯嘅汁仲有三個選擇, 咖哩汁、茄汁或白汁。我選咗咖哩汁, 我覺得會比較穩陣, 同埋可以試下夠唔夠傳統日式。店員問加唔加18蚊轉流心蛋, 一來我覺得貴, 二來我想試咗regular先, 所以無轉流心蛋。飲品方面, 呢度竟然無茶膽, 即係無奶茶檸茶供應, 今日好想飲凍檸茶, 唯有飲凍檸水啦!餐牌註明蛋包飯製作需時約十
晚上九點幾, 無需等位但客人唔算少。果然, 天后亦有呢間蛋包飯, 而且有幾個電視節目介紹過。全店木枱木櫈, 大路日本餐廳裝潢, 但佈置有點玩味, 用咗打蛋形籐製燈飾, 同埋牆上用蛋紀念品砌成好大個蛋字, 凸顯蛋這個主題。座位分佈亦唔會有好迫感覺。
重點當然睇下有咩招牌菜/ 推介先啦, 見到牆上貼出嚟嘅相介紹, 下! 一個蛋包飯要$158? $198? 比預期中貴, 我預算係一百蚊左右, 而我認為佢呢個價錢已經可以係一間中檔意大利餐廳食個好味嘅意大利飯喇。不過入到嚟唔理點都要試下, 其實餐牌上其他蛋包飯有部份都唔過一百蚊。最後我點咗菠菜帶子蛋包飯、和風牛舌蛋包飯同埋芝士無骨雞翼。配蛋包飯嘅汁仲有三個選擇, 咖哩汁、茄汁或白汁。我選咗咖哩汁, 我覺得會比較穩陣, 同埋可以試下夠唔夠傳統日式。店員問加唔加18蚊轉流心蛋, 一來我覺得貴, 二來我想試咗regular先, 所以無轉流心蛋。飲品方面, 呢度竟然無茶膽, 即係無奶茶檸茶供應, 今日好想飲凍檸茶, 唯有飲凍檸水啦!
餐牌註明蛋包飯製作需時約十五分鐘, 但我個飯好快就送到我面前。賣相靚仔, 汁淋係飯上面之餘仲鋪滿成個平碟(我覺得呢點好重要, 最怕食有汁飯唔夠汁), 飯上面有一片蕃茄, 蕃茄上面仲有蔥絲, 美觀之餘仲可以清新一下口腔。好喇! 將主角放入口, 蛋皮好滑, 雖然無咩菠菜味(通常都無嘅), 已經好滑, 如果轉埋流心蛋都唔知會點喇! 飯中有帶子味, 粒粒分明, 軟硬適中, 帶子鮮甜, 唔係原粒, 但切得好大粒, 唔係碎, 份量唔少, 啖啖都有帶子, 至於咖哩汁亦係傳統日式咖哩, 整體都好味!
風和牛舌蛋包飯, 牛舌唔羶, 有牛香, 彈牙, 配埋洋蔥一齊炒飯, 好惹味! 驚喜!
芝士無骨雞翼, 雖然係炸物，但乾身, 一點也不油, 但略嫌唔夠芝士, 食唔到濃濃芝士味。
Other Info. :
店員告知餐廳做緊宣傳活動,只要係facebook讚好, 就可以得到牆上面嘅雞蛋紀念品一款。
(The above review is the personal opinion of a user which does not represent OpenRice's point of view.)
Post
