小念頭 (億利工業中心)

Open Now

Now Closed

今日喺長沙灣收工，明天又放假，所以特登問埋同事要唔要一齊食埋個晚飯先走，佢就提議嚟呢間樓上餐廳，佢話之前食過都覺得幾好食，餐廳主要都係行fusion風，而我今日自己食完都覺得真係幾特別，最高興就係見到啲店員個個都好有禮貌好友善，令到成個用餐經歷都大大提升！呢度係用QR code落單，我睇完成個Menu之後就決定要雲吞麵，雖然個名係雲吞麵，但係其實就係手工炸蝦雲吞配尼泊爾Momo Chutney汁意大利麵。我本身自己好鍾意食momo，而呢道菜亦都食得出真係有chutney醬汁，意大利麵亦都煮得剛剛好，口感係我鍾意嘅嗰種有少少硬度嘅。因為朋友講呢度嘅蛋糕都好出色，所以就加點咗個伯爵茶戚風蛋糕配焦糖蘋果。呢個蛋糕真係好airy，食落好輕身，完全唔會覺得有罪惡感，加埋佢濃郁嘅伯爵茶醬，真係一個勁正嘅配搭，焦糖蘋果亦都加咗少少texture同flavour，不論味道定個樣都覺得好出色，配埋杯熱嘅阿薩姆紅茶就係perfect match！