Ufufu Cafe (Closed)

前一陣子城中熱話嘅梳乎厘班戟店，一間開完又一間，長龍不絕。其實真係無你咁好氣，排成一個鐘為了一件班戟，值得與否見仁見智，我就唔會囉！但又想食班㦸，點算好呢！唯有求其次去人氣差少少的喇，末必不可，至少不用排隊丫嘛！ 未食過就會有期待。飲食達人K妹妹帶路，上了商廈的一間餐廳，聽講班戟都頗有名氣㗎！一心前來一定要試。點了兩款，草苺家族和焦糖燒香焦。班戟底是一様的，只是配料，醬汁和雪糕味不同。班戟餅底沒有預期的鬆化，不是一陣風的口感，似蛋糕餅底的質感。但味道是ok的，有蛋香不太甜。如再改良一下，相信同那兩間日式人氣高企的班戟店有得比較。