一肥貓古祖味蛋糕 (Closed)

難得到元朗一趟，一定要去高人氣店舖一試。以為無人排隊，原來為免防礙其他店舖做生意，人籠要到轉角位開始排，去到已經有廿幾人排緊隊。好好彩，肉鬆味可以唔洗排隊不消十分鐘就可以拎住香噴噴蛋糕返屋企。本來應該由原味開始試，但我本來又極喜愛食肉鬆，所以又邊會介意肉鬆味貴啲？說真肉鬆口味都唔錯，咸咸甜甜咁蛋糕夠軟熟，肉鬆口感好又夠香。蛋糕真係好有蛋香，沿路搭車拎住返屋企都一路聞得到香味。值得推薦，排隊買都抵。