반찬앤쿡 Banchan and Cook (時代廣場) (Closed)

時代廣場食通天，一向多嘢食，我哋情有獨鍾韓式料理，見到咁啱有就去試吓。❇️醬油蒜蓉無骨炸雞 👉🏻通常見到Menu有炸雞都唔使講一定點炸雞😂無骨炸雞食呀好方便，口感啖啖肉一流！外層炸到脆卜卜，仲有好香濃嘅蒜香味，加埋外脆內軟粗薯條，滋味滿分！❇️燉牛肋骨蛋包飯👉🏻牛肋骨係至愛！呢度啲牛肋骨煮到好入味，輕輕一咬骨肉分離，勁正！仲有特色蛋包飯，中間切開，滑蛋傾泉而出，又靚又好味！❇️海鮮煎蔥餅👉🏻又係香口嘢，脆卜卜嘅邊，勁多海鮮。❇️紅豆鮮奶👉🏻天氣凍，最好來一杯熱鮮奶，加咗紅豆更香甜！仲有少少玫瑰花瓣點綴，打卡一流！❇️溶化朱古力👉🏻超香濃，就算飲凍飲都keep到濃度👍甜度同濃度啱啱好，一定滿足到朱古力迷！