莆田 (美麗華廣場2期) (Closed)

上年食過莆田蟶子，肥美鮮甜多肉，一試難忘。早2日起Facebook見到蟶子再度歸來，已攘住女友快D去食，今日收工同女友去尖沙咀比旅行團尾數，整完之後，正煩惱去邊度食dinner, 原來細心的女友早已起莆田訂左枱，真掋錫～！7:00去到，因訂左枱，所以不用等位，看看餐牌，女友話行到好熱，想食D涼涼地的前菜先，就叫左個冰鎮苦瓜，女友又好鍾意飲呢度嗰個莆田扁肉湯，所以每人叫咗一碗，再叫左一個荔枝肉，今次一心來食蟶子，當然不可不叫啦，現$198可以試兩款煮法，上年食過鐵板鹽焗聖子好好食，當然要encore啦，女友鍾意飲湯，另一款就叫左紅菇鮮蟶子湯。冰填苦瓜好快到了，擺碟好靚，好像一朶花，苦瓜片得好薄，點蜜糖來吃，清爽甘甜，非常消暑！之後扁肉湯亦送到，湯底鮮甜，扁肉彈牙，接著荔枝肉亦送到，荔枝肉皮脆肉嫩，鬆化，醬汁酸甜開胃。蟶子到～！鐵板聖子鮮甜，原汁原味，蟶子肥美，鹽焗更提升了鮮甜度；紅菇鮮蟶湯，第一次食紅菇，好香菇味，蟶子吸收菇湯，更加鮮甜！另外一提這裡服務好好，換碟收碟好快而且侍應笑容滿面！讚👍🏻越食越開胃，所以再加多左一個興化炒米粉。米粉炒得乾爽，配上蜆肉、腩肉、紫菜、鮮蝦，足料又好味！