Video
Read full review
2022-11-21
295 views
深水埗cafe Minimal 進駐荃灣！之前試過佢地嘅炸雞窩夫、法式多士，覺得主菜甜品都有返咁上下質素，重點係食得飽！今次專程黎到新分店KoBaNe，一嚐全新菜式~新店走木系簡約風，樓底高夠晒寛敞舒適，窗邊位採光十足，打卡一流！有唔少融入西式食材嘅日式料理供選擇▪️味噌燒比目魚 • 定食 $135比目魚皮微脆肉軟腍，唔會燒到無晒肉汁，味噌偏甜，略嫌份量少左啲。旁邊有一條雞肉串，當中加入雞軟骨粒，口感紮實帶點爽脆。配菜份量都幾多喎，有香甜滑身嘅玉子燒、漬蘿蔔、菠菜，仲有一整碟蓮藕、蒟蒻、菇、薯仔，不過呢碟調味偏淡，味道單一層次較少。▪️三文魚籽蟹黃薑汁燴飯 $138其貌不揚 但味道唔錯喎！燴飯裹滿creamy醬汁，保留左微硬嘅口感，忌廉味唔重唔會搶過蟹黃風頭，仲有粒粒青蘋果增添口感。面頭橙黃色嘅醬汁好濃蟹味！仲有絲絲蟹肉~ 三文魚籽亦增添左唔少鮮味，加埋黑醋食落無平時嘅燴飯咁膩。▪️蜜柑芝士撻配山椒柚子雪葩 $72芝士蛋糕厚實濃滑富奶香，有層薄脆嘅焦糖面。忌廉軟滑帶雲呢嗱香，中間嘅漬蜜柑好甜好多汁！外皮毫無苦澀味，餅底厚身酥脆帶牛油香。旁邊嘅柚子雪葩，酸中帶甜，極之清新，完美平衡芝士蛋糕嘅甜
新店走木系簡約風，樓底高夠晒寛敞舒適，窗邊位採光十足，打卡一流！有唔少融入西式食材嘅日式料理供選擇
▪️味噌燒比目魚 • 定食 $135
比目魚皮微脆肉軟腍，唔會燒到無晒肉汁，味噌偏甜，略嫌份量少左啲。旁邊有一條雞肉串，當中加入雞軟骨粒，口感紮實帶點爽脆。
配菜份量都幾多喎，有香甜滑身嘅玉子燒、漬蘿蔔、菠菜，仲有一整碟蓮藕、蒟蒻、菇、薯仔，不過呢碟調味偏淡，味道單一層次較少。
▪️三文魚籽蟹黃薑汁燴飯 $138
其貌不揚 但味道唔錯喎！燴飯裹滿creamy醬汁，保留左微硬嘅口感，忌廉味唔重唔會搶過蟹黃風頭，仲有粒粒青蘋果增添口感。面頭橙黃色嘅醬汁好濃蟹味！仲有絲絲蟹肉~ 三文魚籽亦增添左唔少鮮味，加埋黑醋食落無平時嘅燴飯咁膩。
▪️蜜柑芝士撻配山椒柚子雪葩 $72
芝士蛋糕厚實濃滑富奶香，有層薄脆嘅焦糖面。忌廉軟滑帶雲呢嗱香，中間嘅漬蜜柑好甜好多汁！外皮毫無苦澀味，餅底厚身酥脆帶牛油香。旁邊嘅柚子雪葩，酸中帶甜，極之清新，完美平衡芝士蛋糕嘅甜膩，唯獨唔太食到山椒味。
▪️九州凸頂柑梳打 $46
真係好鍾意凸頂柑獨有嘅風味，梳打味道天然，甜度唔會太高
▪️北海道甜菜糖伯爵茶鮮奶 $42
伯爵茶香突岀，不失奶香，甜度適中，幾啱口味。不過就未必適合鍾意微糖、奶味低調嘅人啦~
Post
